«Барыс» баспасөз қызметі жастар хоккейінде өз жолын ресми түрде аяқтаған хоккейшілер туралы жарияланымдар циклін бастайды. Өткен маусымда Жастар хоккей лигасы түлектерінің бірі қақпашы Денис Қаратаев болды.
Денис МХЛ-да дебютке 2016 жылы 17 қарашада 17 жасында шықты. Сол күні ол «Толпарға» қарсы матч өткізді, өз активіне 41 сэйв жазып, «Снежные Барсы»-ға 3:2 есебімен жеңіске жетуге көмектесті. Жалпы, өзінің бірінші маусымында МХЛ-да Қаратаев 17 матч ойнады.
2017-18 жылдардың келесі маусымында Денис «Снежные барсы» командасының негізгі қақпашысы болды. Ол 91% соққыны тоқтатып, орташа есеппен 3,29 шайбаны өткізіп алып, 50 матчтың 22-де (2800 минуттан астам ойын уақыты) жеңіске жетті.
Сол жылы Қаратаев Қазақстан жастар құрамасының әлемдік хоккейдің элиталы дивизионына шығуына елеулі үлес қосты. Франциядағы МЧМ-де Денис мұз айдынында төрт матчта шықты, олардың әрқайсысында біздің команда жеңіске жетті.
Өткен маусым қақпашы үшін МХЛ-да соңғысы болды. Осы маусымның басым бөлігін Денис «Номадта» өткізді, ол Жоғары хоккей лигасында дебют жасады. Алайда, қажетті сәттерде қақпашы «Снежные Барсы» кездесулеріне де тартылып, 7 матч ойнады.
МХЛ-да өзінің қорытынды ойынын 2020 жылдың 27 қаңтарында өткізді. Бұл кездесу ойыншы үшін МХЛ-да мерейтойлық жүзінші болды. Осы уақыт ішінде ол өз активіне 37 жеңіс (5 матч нөлге), 2853 сэйв және 2 нәтижелі беріліс қосты.
Енді спортшы өзін ересек деңгейде көрсете алады. Естеріңізге сала кетейік, мамыр айының соңында Қаратаев «Барыспен» екі жақты келісімшартқа қол қойған болатын.
Денис Қаратаев МХЛ туралы:
- Лига маған құнды тәжірибе берді, мені ересектер хоккейіне дайындады. Бұл - барлық жас ойыншылар өтетін қадам. МХЛ-дағы алғашқы матч мәңгі есімде қалады. Мен ол кезде тым жас болдым. Әрине, мандраж болды, бірақ өте қызықты болды. Сондай-ақ, бірінші «сухарь» алған кезде ұмытылмас эмоциялар болды. «Снежные Барсы»-да жұмыс істеген бапкерлерге алғысымды білдіргім келеді. Олар мені көп нәрсеге үйретті, бұл тәжірибе маған алдағы мансапта керек болады.
МХЛ ресми сайтынан статистикалық деректер пайдаланылды
«Барыс» ХК бас серіктесі – «Самұрық-Қазына» ҰӘҚ» АҚ.
Достарыңызбен бөлісіңіз
Войдите в профиль
Чтобы оставить комментарий войдите или зарегистрируйтесь
Достарыңызбен бөлісіңіз
Сілтемені көшіріп алыңыз немесе әлеуметтік желілерде бөлісіңіз.