Қазақстан чемпионатының финалында Номад Сарыарқамен ойнайды

Қазақстан хоккей федерациясы 2025-26 жыл маусымындағы Pro Ligasy финалдық кезеңінің матч кестесін ұсынды.

Қазақстан чемпионатының шешуші сериясында Астана қаласының «Номад» клубы мен Қарағандының «Сарыарқа» командасы кездеседі. Қазақстан ұлттық құрамасының бірінші дивизионның А тобындағы әлем чемпионатына дайындық аясындағы оқу-жаттығу жиындарының басталуына байланысты, сондай-ақ «Номад» пен «Сарыарқа» құрамында ұлттық құрамаға үміткер ойыншылардың болуын ескере отырып, Pro Ligasy финалының басталу мерзімін ертерек уақытқа ауыстыру туралы шешім қабылданды.

Бұл текетірестің алғашқы ойыны 1 сәуір күні Астанада өтеді. Серия төрт жеңіске дейін жалғасады. Қажет болған жағдайда жетінші матч 13 сәуірге жоспарланған.

Матчтар кестесі:

1 сәуір «Номад» – «Сарыарқа» Астанада;

3 сәуір  «Номад» – «Сарыарқа» Астанада;

5 сәуір «Сарыарка» – «Номад» Қарағандыда;

7 сәуір «Сарыарка» – «Номад» Қарағандыда;

9 сәуір* «Номад» – «Сарыарқа» Астанада;

11 сәуір* «Сарыарқа» – «Номад» Қарағандыда;

13 сәуір* «Номад» – «Сарыарқа» Астанада.

*бесінші, алтыншы және жетінші матчтар қажет болған жағдайда өткізіледі.

Достарыңызбен бөлісіңіз