«Томирис» Қазақстан әйелдер чемпионатының финалдық кезеңінде ойнайды

2025/26 жылғы Qyzdar Ligasy маусымының медальдары үшін күресті жалғастыратын төрт команда анықталды. Тұрақты чемпионат қорытындысы бойынша «Томирис» 20 матчтың 17-сінде жеңіске жетіп, 34 ұпай жинап, турнирлік кестеде екінші орын алды.

Бірінші орынды 20 ойынның 19-сында жеңіске жеткен (38 ұпай) «Айсұлу» иеленді. Финалдық кезеңге сондай-ақ «Торпедо» (24 ұпай) және «Айсұлу Таңдаулы» (16 ұпай) командалары өтті.

Жартылай финал жұптары келесідей: «Айсұлу» – «Айсұлу Таңдаулы», «Томирис» – «Торпедо». Бұл жұптардың жеңімпаздары маусымның шешуші ойынында чемпиондықты сарапқа салады, ал жеңілген командалар үшінші орын үшін кездеседі.

Қазақстан әйелдер чемпионатының шешуші матчтары 25 және 27 сәуір күндері Алматы қаласында өтеді.

Достарыңызбен бөлісіңіз