Торпедо - Номад матчы алдында

«Номад» Өскемен қаласындағы сырт алаңдағы ойындар сериясын жалғастырып, жергілікті «Торпедо» командасымен кездеседі.

«Торпедо» «Ақтөбеге» қарсы екі матчта да жеңіске жеткеннен кейін өз алаңындағы ойындар сериясын жалғастырып жатыр. Алғашқы кездесуде 4:2 есебімен жеңіске жеткен өскемендік команда сапынан Михаил Рахманов, Саян Данияр, Диас Гусейнов және Данил Бутенко шайба соқты. Екінші матчта 3:1 есебімен басым түсті. Бұл кездесуде Степан Рифельмен қатар Саян Данияр мен Диас Гусейнов те гол авторлары атанды.

«Номадпен» кездесер алдында «Торпедо» 24 матчта жинаған 40 ұпаймен турнир кестесінде екінші орында тұр.

Ал «Номад» Рудный қаласында «Горнякқа» қарсы өткен ойындардан кейін сырт алаңдағы сериясын жалғастыруда. Екі команда өзара кездесулерде бір-бір жеңістен бөлісті. Алғашқы матчта «Номад» 3:1 есебімен жеңіске жетті. Команда сапынан Артём Королёв, Асанали Русланулы және Александр Симахин шайба соқты. Екінші кездесуде елордалық ұжым қарсыластың қорғанысын бұза алмай, 0:6 есебімен ірі есеппен жеңіліп қалды.

Қазіргі уақытта «Номад» 23 матчта жинаған 42 ұпаймен турнир кестесінің көшін бастап келеді.

Матч бүгін сағат 18:30-да басталады.

Тікелей трансляцияны Ligasy TV YouTube арнасынан көруге болады.