Барыс жастар командасы Jastar Ligasy турнирінде бірінші орынға шықты

Бүгін «Барыс» өз айдынында чемпионаттың уақытша көшбасшысы «Кармет» командасын қабылдады. Кездесу овертаймда аяқталды, шешуші екі ұпайды алаң иелеріне Әмір Гафуровтың дәл соққысы сыйлады. Сондай-ақ Расул Тұрсынов, Жахангер Тілеухан және дубль авторы Таир Бигаринов өз есептеріне бір-бірден шайба қосты. Қақпашы Арсений Кучковский қақпаға бағытталған 20 соққыны қайтарды.

Осы нәтижеден кейін Андрей Шаяновтың ойыншылары теміртаулықтармен ұпай санын теңестірді. Қосымша көрсеткіштер бойынша аралық бірінші орынды біздің команда иеленді. Қайта кездесу ертең «Барыс Арена» кешенінің В блогында өтеді.

«Барыс» - «Кармет» 5:4 ОТ (0:0, 4:3, 0:1, 1:0)

0:1 – 23:15 – Быков АГ

0:2 – 24:24 – Лигай (Рублёв, Қалкабек)

1:2 – 25:36 – Тұрсынов (Бигаринов, Кучковский)

1:3 – 28:38 – Рублёв (Қалкабек)

2:3 – 33:12 – Тілеухан (Сидоренко, Құбатаев)

3:3 – 35:25 – Бигаринов

4:3 – 38:23 – Бигаринов (Қайыргелді, Тілеухан)

4:4 – 57:18 – Маринин (Вагнер, Быков)

5:4 – 63:22 – Гафуров

Қақпашылар: Кучковский - Зюзин

Достарыңызбен бөлісіңіз