ҚХЛ. Барыс - Металлург. Матч алдында

«Барыс» күнтізбелік жылды «Металлургпен» үйдегі матчпен жабады.

Дүйсенбі күні Магнитогорск ұжымы Уфада болды, онда ол Салават Юлаевтан 2:4 есебімен жеңілді. Андрей Чибисов пен Богдан Потехиннің шайбалары қонақтарды ойынға қайтарды, бірақ үшінші кезеңде иелері таразыны өз пайдасына бұрды.

Тұрақты чемпионаттың 40 матчында «Металлург» 50 ұпай жинады, бұл Илья Воробьевтің командасына Шығыс конференциясында бесінші орын алуға мүмкіндік берді. Келесі матчтарды Магнитогорск ойыншылары шабуылшы Сергей Мозякинсыз өткізеді, ол жарақат алғандардың тізімінде.

«Барыс» 28 желтоқсанда «Сібір» командасынан үйде 1:3 есебімен жеңіліп, өзінің бес матчтық жеңіс сериясын үзді. Новосібірліктердің қақпасына салынған жалғыз шайбаның авторы Мэттью Фрэттин болды. Бұл матчта шабуылшы Захар Пархоменко ҚХЛ-да дебют жасады.

Қазіргі уақытта Юрий Михайлистің ұжымы Шығыстағы кубоктық сегіздікті жабады. «Барыстың» активінде 37 матчтан кейін 43 балл жиналды және басты бәсекелестермен салыстырғанда запаста тағы бірнеше ойын бар. Команданың лазаретін қорғаушы Леонид Метальников толықтырды, ол жаттығулардың бірінде жарақат алды.

Қараша айында «Барыс» Нұр-Сұлтанда «Металлург» командасын қабылдады. Сол кезде буллиттер сериясында ресейлік команда жеңіп кетті (2:1).

«Барыс Аренада» өтетін ойын астана уақытымен 19:30-да басталады.

Тікелей көрсетілім Qazsport және ҚХЛ ТВ-да өтеді.

Fonbet -  Ресми букмекерлік компаниясы алдағы «Барыс» ХК матчына  келесі коэффициенттерді ұсынады: П1 - 2,70 | Х – 4,10 | П2 - 2,30.

«Барыс» ХК Бас серіктесі – «Самұрық-Қазына» ҰӘҚ» АҚ.

Достарыңызбен бөлісіңіз