Барыс сәтсіз ойындар сериясын жалғастырды

2025 жылдағы соңғы үй матчында «Барыс» «Амурмен» кездесті. Медициналық себептерге байланысты Семён Симонов бұл ойынды өткізіп алды. Өтінімге Бейбарыс Оразов қосылды. Қақпаны алғашқы минуттардан бастап Андрей Шутов қорғады.

Есеп оныншы минуттың басында қонақтар тарапынан ашылды – Кирилл Слепецтің қақпа сыртынан жасаған тамаша пасынан кейін Артём Шварёв мергендік танытты. Ойынның ортасына қарай Александр Филатьев пен Кирилл Ураков тағы бір-бір шайбадан соғып, «Амурға» айқын басымдық сыйлады. «Барыс» сапынан Кирилл Панюков екінші үзіліске 21 секунд қалғанда есеп айырмасын қысқартты. Қорытынды кезеңде алаң иелері толықтай басымдық танытып, қарсыласын соққылар саны бойынша бес есе басып озды (16–3). Алайда Максим Дорожко қорғаған қақпаға шайба өтпеді. Ал финалдық сиренаға 64 секунд қалғанда Артур Гиздатуллин бос қақпаны дәл көздеп, матчтың қорытынды есебін белгіледі.

30 желтоқсанда қазақстандық ұжым 2025 жылдағы үй ойындарының бағдарламасын «Авангардқа» қарсы сырт алаңдағы кездесумен жабады.

«Барыс» - «Амур» 1:4 (0:1, 1:2, 0:1)

0:1 – 09:05 – Шварёв (Слепец)

0:2 – 25:11 – Филатьев (Балдаев, Свечников)

0:3 – 28:56 – Ураков (Рыков, Петьков)

1:3 – 39:39 – Панюков (Әсетов)

1:4 – 58:56 – Гиздатуллин (Рыков) БҚ

Қақпашылар: Шутов – Дорожко

«Барыс Арена». 9 510 көрермен

«Барыс» ХК бас серіктесі – «Самұрық-Қазына «ҰӘҚ» АҚ

«Барыс» ХК серіктесі – «Туризм және спорт индустриясын қолдау қоры» КҚ

Достарыңызбен бөлісіңіз