Барыс жаңа логотипті ұсынады

Сіздердің назарыңызға «Барыс» хоккей клубының жаңа логотипін ұсынамыз.

Логотип фирмалық белгіден және бірегей графикалық жазудан тұрады. Логотиптің барлық бөліктері белгілі бір пропорцияда және бір-біріне қатысты белгілі кезекте орналастырылған.

Фирмалық белгінің негізі - қар барысының бейнесі. Белгінің жоғарғы бөлігіндегі теңбіл паттерн елорданың басты көрікті жерлерін бейнелейтін графикалық элементтерден тұрады: Бейбітшілік және Келісім Сарайы, «Әзірет Сұлтан» мешіті және «Барыс-Арена» спорт кешені.

Орталық графикалық элемент табиғи стихияларды бейнелейтін дәстүрлі қазақ ою-өрнектерінің үлгісі бойынша жасалған және дала желінің динамикасына сілтеме жасайды. Логотип Қазақстан туының аспан-көк және алтын түстерінде жасалған.

Жанкүйерлер 16 тамыз күні сағат 19:00-де «Барыс-Аренада» өтетін «Барыс» - «Автомобилист» матчы ашылуының алдында болатын шоудан толығырақ білетін болады.

Сондай-ақ, жақын арада сіз біздің жаңа фирмалық стилімізбен және алдағы маусымға арналған шығармашылық тұжырымдамамен таныса аласыз.

«Барыс» ХК бас серіктесі - «Самұрық-Қазына» ҰӘҚ» АҚ

«Барыс» ХК серіктесі - «Туризм және спорт индустриясын қолдау қоры» КҚ

Достарыңызбен бөлісіңіз