Барыс Локомотивке маусымдағы алғашқы жеңілісін тарту етті

Чемпионаттағы үшінші сырт алаңдағы ойынын өткізген Барыс Ярославль қаласында Локомотивпен кездесті. Магнитогорскідегі сәтсіз матчтан кейін елордалық команданың жаттықтырушылар штабы құрамға бірнеше өзгеріс енгізді. Өтінімге Ансар Шайхмедденов, Аркадий Шестаков, Кирилл Панюков және Мади Диханбек қосылды. Олардың соңғы үшеуі осы маусымда ҚХЛ-дағы алғашқы кездесуін өткізді. Матчты қақпада Андрей Шутов бастады.

Алаң иелері кездесуді жоғары қарқынмен бастап, бірден бастаманы өз қолдарына алды. Алайда Барыс қарсыластың алғашқы қысымына төтеп беріп, ойынды өз қақпасынан алыстатты. Бірінші кезеңнің соңына қарай есеп ашылды. Гарретт Пилон шабуылды екінші қарқынмен қолдаған Джейк Массиға пас берді. Бүгін Кирилл Савицкийдің өтінімде болмауына байланысты команда капитанының жейдесін киген елордалықтардың 2-нөмірі Алексей Мельничукке мүмкіндік қалдырмады.

Арада көп уақыт өтпей, Масси секілді Логан Дэй де мергендік танытты. Ол Семён Симоновтың тамаша пасын дәл пайдаланды.

Екінші кезең де осыған ұқсас сценарий бойынша өтті. Локомотив шайбаны көбірек бақылап, ұзақ позициялық шабуылдар ұйымдастырды. Ал Барыс қорғаныста сабырлы ойнап, өз мүмкіндіктерін күтті. Кездесу соңындағыдай, бұл кезеңнің аяғында да астаналықтар өз мүмкіндіктерін сәтті пайдаланды. Джастин Бэйли Пилонның соққысына таяғын дәл тосып, шайбаның бағытын өзгертті.

Ал Ансар Шайхмедденов қақпаның артынан шығып, қарсылас қақпашысының қорғаныс жабдығындағы саңылауды тапты. Осы эпизодтан кейін Локомотив қақпасына Даниил Исаев шықты.

Алайда ол да қақпасын голдан аман алып қала алмады. Үшінші кезеңнің басында Семён Симонов аймаққа кіре бере соққы жасап, шайбаны қақпаның алыс бұрышындағы тоғыздыққа дәл бағыттады.

Қалған уақытта қонақтар есепті сенімді түрде ұстап, матчты жеңіске жеткізді. 36 соққыны қайтарған Андрей Шутов негізгі құрамдағы алғашқы матчында-ақ қақпасын голдан аман сақтап қалды.

22 қыркүйекте Михаил Кравец ойыншылары Мәскеуде Динамомен кездеседі.

Локомотив - Барыс 0:5 (0:2, 0:2, 0:1)

0:1 - 15:10 - Масси (Пилон)

0:2 - 18:35 - Дэй (Симонов, Логвин)

0:3 - 36:53 - Бэйли (Пилон, Морелли)

0:4 - 38:40 - Шайхмедденов (Шестаков, Масси)

0:5 - 41:45 - Симонов (Диханбек, Приски)

Қақпашылар: Мельничук (Исаев, 38:40-60:00) - Шутов

Арена-2000. 7 687 көрермен

«Барыс» хоккей клубының бас серіктесі - «Самұрық-Қазына» ҰӘҚ» АҚ
«Барыс» хоккей клубының серіктесі - Туризм және спорт индустриясын ҚҚ

Достарыңызбен бөлісіңіз