Трактор – Барыс матчының алдында

«Барыс» қараша айының соңғы көшпелі сериясын «Трактормен» болатын ойынмен ашады.

Челябіліктер қараша айын жақсы бастады, бірақ содан кейін қатарынан екі рет жеңіліске ұшырады. Өткен турда үй айдынында «Трактор» тартысқа толы ойында «Салават Юлаевқа» (3:4) жол берді. Максим Шабанов бірінші ауысымда көзге түсіп, қатарынан ұпай жинаған (10) матчтар саны бойынша клуб рекордын орнатты. «Трактор» командасының 23 жасар шәкірті тоғыз ойында ұпай жинаған Лукаш Седлак пен Петри Контиолдың жетістіктерінен асып түсті. Сондай-ақ, Виталий Кравцов пен Сергей Телегин соғылған голдар санын толықтырды. Айдын иелерінің қақпашысы Никита Подскребалин қақпасына бағытталған 23 соққыны қайтарды.

30 матчта Алексей Заварухиннің шәкірттері 35 ұпай жинады, бұл өз кезегінде командаға плей-офф аймағында ыңғайлы орналасуға мүмкіндік берді. Максим Шабанов (13+10) - оралдықтардың үздік мергені және бомбардирі болып табылады. Жарақат алғандар тізімінде қақпашы Сергей Мылников, сондай-ақ шабуылшылар Владимир Жарков пен Андрей Чибисов бар.

«Барыс» жексенбі күні үй айдынында «Северсталь» (4:1) командасынан басым түсіп, жеңілістер сериясын үзді. Астаналықтардың барлық голдарына қатысқан Батырлан Мұратов (қазіргі уақытта 5+6) керемет матч өткізді. Сондай-ақ, Әділ Бекетаев (3+7) және Кирилл Савицкий (6+5) бір-бір шайбадан соқты.. Үшеуі де ағымдағы чемпионатта он ұпайлық межеден асты. Аркадий Шестаков ҚХЛ-да 50 ұпай жинады. Эдвард Паскуале өзі қорғаған қақпаға бағытталған 25 соққыға тосқауыл болды. Даниил Апальков астаналықтар сапындағы алғашқы кездесуін өткізді.

Қазақстандық ұжымның қоржынында 31 кездесуден кейін 25 ұпай бар. Команданың үздік бомбардирі болып Райли Барбер (10+13) қала берді. Роман Старченко жарақат алғандар тізімінен шығарылды және жарақат алғаннан кейінгі алғашқы ойынын өткізуге дайындалып жатыр. Сондай-ақ, құрамда жаңадан келген Энтони Камара мен Евгений Рымаревтің шығуы әбден мүмкін. Ал Самат Данияр болса «Барысқа» ағымдағы көшпелі серияда қол ұшын бере алмайды. Ол жарақат алғандар тізіміне қайтарылды, л тізімде тағы бір қорғаушы Алекс Грант бар.

Маусымдағы алғашқы кездесуінде «Барыс» Қазақстан астанасында «Трактор» командасын жеңген (2:1) болатын. Айта кетері, бұл Ғалым Мамбеталиевтің бас бапкердің міндетін атқарушы лауазымындағы алғашқы матчы болған еді.

«Трактор» мұз айдынында өтетін кездесу Астана уақыты бойынша сағат 20:00-де басталады.

Тікелей эфир KHL және Qazsport арналарында қолжетімді болады.

«Барыс» ХК бас серіктесі - «Самұрық-Қазына» ҰӘҚ» АҚ

«Барыс» ХК серіктесі - «Туризм және спорт индустриясын қолдау қоры» КҚ

Достарыңызбен бөлісіңіз