Снежные Барсы - Реактор матчы алдында

Астаналық команда қараша айындағы ұзаққа созылған өз алаңындағы ойын сериясын Шығыстың Күміс дивизионы өкілі «Реактор» командасына қарсы ойындармен аяқтайды.

Қонақтар Уфалықтармен болған кездесуінен кейінгі сырт алаңдағы ойын сериясын жалғастыруда. Ол ойында «Реактор» 2:4 есебімен ұтылды. Нижнекамск командасы сапынан Александр Панов пен Давид Романов шайба соқты. Бұған дейін Игорь Фёдоровтың ойыншылары Шығыс көшбасшысы «Стальные Лисы» командасынан 2:9 есебімен жеңілген болатын. Ол матчта «Реактор» шайбаларын Николай Криволапов пен Амир Гизятов соқты.

Астанаға қарсы матч алдында «Реактор» турнир кестесінде 21 ойыннан кейін 21 ұпай жинап, бесінші орында тұр. Соңғы бес матчтағы ең нәтижелі ойыншы үш ұпай (1+2) жинаған Давид Романов.

«Снежные Барсы» қарашадағы өз алаңындағы ойын сериясын «Кузнецкие Медведи» командасына қарсы өткен матчтан кейін жалғастырады. Бұл кездесу астаналықтар үшін 3:7 есебімен аяқталды. Тимур Миндубаев бір шайба соқса, Мстислав Шипилин маусымдағы алғашқы дублін тіркеді. Бұған дейін Антон Васиннің ойыншылары альметьевтік «Спутник» командасымен екі матч өткізген. Алғашқы ойында астаналықтар қарсылас қақпасын қайтара алмады және 0:5 есебімен жеңілді. Екінші матчта команда белсендірек ойнағанымен, 3:4 есебімен овертаймда тағы да ұтылды. Бұл кездесуде шайбаларды Аристарх Киреев, Роман Двуреченский және Александр Перкин соқты.

Қазіргі уақытта астаналық клуб Күміс дивизионында 24 матчтан кейін жеті ұпай жинап, соңғы орында тұр. Соңғы бес ойынның ең нәтижелі хоккейшісі төрт ұпай (2+2) жинаған Кәрім Қажібеков.

Матч 18:30-да, Астана уақытымен басталады.

Тікелей көрсетілім КХЛ ТВ және InHockey платформаларында қолжетімді болады.

Достарыңызбен бөлісіңіз