Номад – Қазақстанның үш дүркін чемпионы

Бүгін елордалық ұжым «Сарыарқаға» қарсы финалдық сериядағы бесінші ойынын өткізді. Овертаймда 3:2 есебімен жеңіске жетіп, Қазақстан чемпиондығын иеленген «Номад» маусымды жарқын нотамен аяқтады.

Ойын қарқынды басталды. Екінші минутта-ақ Әділ Бейсембаев есеп ашып, матчтың ырғағын белгіледі. Алайда «Сарыарқа» да жауапсыз қалмады: Радель Фазлеев көп ұзамай таразы басын теңестірді.

Екінші кезеңнің ортасына дейін командалар тең ойнап келді. 31-минутта Диас Гусейнов астаналықтарды алға шығарып, алаң иелеріне басымдық сыйлады.

Шешуші сәт үшінші кезеңде туды. Кирилл Полохов есепті қайта теңестіріп, ойынды овертаймға жеткізді. Осылайша екі команда да жеңіс голына дейін барын салуға мәжбүр болды.

Бұл жолы овертайм ұзаққа созылмады. 68-минутта Бейбарыс Оразовтың жойқын соққысы матчқа нүкте қойды. Бұл алтын гол командаға үшінші чемпиондықты алып келді.

«Номад» - «Сарыарқа» 3:2 ОТ (1:1, 1:0, 0:1, 1:0)

1:0 - 02:46 Бейсембаев (Макеев, Шульга)

1:1 - 06:05 Фазлеев (Лихотников, Карабань)

2:1 - 31:29 Гусейнов (Бутенко, Гатиятов)

2:2 - 43:45 Полохов (Фазлеев, Борисевич)

3:2 - 67:16 Оразов (Бритиков, Мұратов)

Қақпашылар: Калмыков - Кадочников

Серия есебі «Номад» - «Сарыарқа»: 4-1 (5:4 ОТ3, 5:2, 1:7, 5:1, 3:2 ОТ1)

Достарыңызбен бөлісіңіз