Маусым қорытындысы. Семен Симонов

2025/2026 жылдардағы ҚХЛ тұрақты чемпионатында «Барыс» ойыншыларының жеке маусымдық көрсеткіштерін қорытындылауды жалғастырамыз.

Семен Симонов ҚХЛ-дегі алғашқы толыққанды маусымында бірден «Барыстың» үздік бес мергенінің қатарына енді. Шабуылшы 12 шайба соғып, 8 нәтижелі пас беріп, жалпы 20 ұпай жинады. Оның 3 шайбасы артықшылықта соғылды. Сонымен қатар Симонов 63 матчта 32 тосқауыл қойылған соққы мен 36 күштік әдіс жасады. Мұз айдынындағы орташа уақыт 14 минут 30 секунд.