Барыс - Ак Барс. Жаттықтырушылардың пікірлері

«Барыс» - «Ак Барс» (0:3) матчынан кейін командалардың бас жаттықтырушыларының қатысуымен баспасөз конференциясы өтті.

Зинэтула Билялетдинов, «Ак Барстың» бас жаттықтырушысы

- Біз бірнеше күн бұрын «Барыспен» ойнадық. Сондықтан ойынның қандай болатынын, не істеу керектігін түсіндік. Біз үйдегі кездесуде болған кемшіліктерді назарға алдық деп санаймын. Жігіттер өте жақсы, тәртіппен ойнады.

- Сіздің ойыңызша, екі жеңістің қайсысы, үйдегі ме, әлде қонақтағы ма, қайсысы жеңілірек болды?

- Оңай жеңіс болмайды. Кез келген қарсылас дайындалады. Сондықтан жеңу оңай емес. Көп күш салу керек, көп беру керек, бұл ең бастысы.

- Екі Кубокты жеңіп алған 2009 жылғы «Ак Барс» және қазіргі «Ак Барс», олардың айырмашылығы неде және олардың арасында не ортақ?

- Ортақтығы, біз нәтижеге бағытталғанбыз. Біз жеңгіміз келеді, бұл ең бастысы. Бізде мақсат бар және біз оған ұмтыламыз. Ол кезде басқа команда болды, қазір басқа команда. Ойыншылар басқа, бірақ мақсат бір.

- Бүгін «Ак Барс» «ең төменгі көрсеткішпен» «Барысты» жеңді деп ойлайсыз ба?

- Мен олай айта алмаймын. Команда көп күш жұмсап, біз бұл матчқа дайындалдық. Біз ойынның маңызды болатынын түсіндік. Жігіттер жақсы жұмыс істеді. Жігіттер көп еңбек етті.

Ғалым Мамбеталиев, «Барыстың» бас жаттықтырушысының міндетін атқарушы

- Ойын жақсы өтті, ұстамдылық танытты, шыдамды болды. «Ак Барс» шебер команда, біздің команда жастау. Мұндай деңгейге енді ғана шыққан жігіттер көп. Біз де гол соға алатын едік, бірақ ортаңғы аумақта екі қате жіберіп, екі гол соғылды. Азшылықта қорқып едік, бірақ азшылықта жаман ойнаған жоқпыз. Сен соқпасаң - саған соғады. Жігіттер тырысты, өзгерткісі келіп, қақпашыны ауыстырды, бірақ болмады.

- Маусымның басында команда көпшілікте керемет көрінді, қазір бұл компонент бойынша бәрі онша жақсы емес. Себебі неде?

- Көпшілікте ойнаймыз, әртүрлі жақтарын байқап көреміз. Әрине, «ақ» буында Старченко, «көкте» Барбер жетіспеді.

- Старченко, Әсетов, Грант қашан оралады?

- Әсетов дайындалуда. Менің ойымша, оған аздап жаттығу керек. Ол бүкіл ойынға жетіспейді. Старченко жаттығуға кірісті. Шамамен бір аптадан кейін ойнайды деп ойлаймын. Гранттың арқасымен проблемасы бар, әзірге ештеңе айта алмаймын. Жақында Даниярды қосамыз, біз үшін керек қорғаушы.

- Ойындағы мұндай тұрақсыздықтың себептері неде деп ойлайсыз?

- Басты себеп - жетекші ойыншылардың жарақат алуында. Біз оларды бұрын Қазақстан чемпионатында ойнаған және КХЛ-ға енді ғана қосылған ойыншылармен толыққанды алмастыра алмаймыз. Иә, олар тырысуда. Болашақта, егер оларға ойнауға рұқсат етілсе, олар ойнайды. Бірақ көпшілікте жағдайды шеше алатын, күрделі кезеңде дәл гол соғатын көшбасшылар жетіспейді.

«Барыс» ХК бас серіктесі - «Самұрық-Қазына» ҰӘҚ» АҚ

«Барыс» ХК серіктесі - «Туризм және спорт индустриясын қолдау қоры» КҚ

Достарыңызбен бөлісіңіз