Танысып қойыңыздар, Станислав Александров

"Барыстың" бапкерлер штабы  бұрын ересектер деңгейінде ойын көрсетуде тәжірбиесі болмаған үш спортшыны жастар лагеріне бірден тартпақ. Бұл үшеуі жастар деңгейінде жақсы көрсеткіштерге қол жеткізді және олардың әрқайсысы қолайлы жағдайда ересектер хоккейінде биылғы жылы дебют жасай алар еді. Осыған байланысты "Барыс" баспасөз қызметі сіздердің назарларыңызға ықтимал жаңа ойыншылар туралы мәліметтер ұсынады.

Көзге түсіп, жақсы ойын көрсетіп жүрген шабуылшылардың бірі деп 2002 жылы туған Станислав Александров аталып жүр. Өткен маусымда Стас бірінші маусымда ЖХЛ-да 27 ұпай жинап, "Снежные Барсы" шабуылындағы көшбасшылардың бірі болды. Сондай-ақ, ол "Барыс" жастар командасына "Жастар" лигасының алтын медалін алуға көмектесті.

Жас шабуылшы лиганың қандай айырмашылығы бар екенін, сондай-ақ ол өзінің алғашқы жастар әлем чемпионатының несімен есте қалғанын әңгімелеп берді.  

- Стас, бастайық қалыпты сұрақтан бастасақ. Хоккейге қалай келдің?

-Менің әкемнің досы бар, оның сол кездерде ЖХЛ ойнайтын ұлы бар еді. Ол маған өзімді хоккейде сынап көруім керектігі туралы кеңес айтты. Ол кезеңнен есте қалғаны шамалы екен. Сырғанауды 1999 жылғы балалармен бастағаным есімде.

- Сен соңғы екі маусым бойы ЖХЛ-да "Қар барыстары" үшін ойнадың. Өзіңнен ұлкен жігіттерге қарсылас болу қиын ба?

- Бірінші маусымда ауырлау болды. Дегенмен, бұл деңгейде жас айырмашылығы көп байқалады. Қазір жеңілдеу, өйткені көптеген командаларда менің жасымдағы немесе бір жас үлкен жігіттер ойнады. Ал, өзіңді дамытқың келсе, өзіңнен мықты қарсыластармен ойнаған жақсы. Сондықтан бәрі жақсы.

- ЖХЛ, "Жастар" ЖЛК және ЖХЛ біріншілігі арасындағы айырмашалық елеулі ме?

- Әрине, ЖХЛ-да мүлдем басқа жылдамдық, ойын стилі де басқа. Командалар да мықтырақ, ойыншылардың шеберлігі де жоғарырақ. Бірақ мен кез келген деңгейде ойнауға әзірмін. Неғұрлым көп тәжірибең болса, соғұрлым жақсы.

- Өткен маусымда сен ЖХЛ-да көп ойын уақытына ие болдың. Осы жүктемеге дайынсың ба?

- Иә, мен өзімді жақсы сезінемін. Жаттықтырушылар да көп сенім арта бастады. Бұл өзіңе деген сенімділікті арттырады. Ойында ойыңдағыны жасай аласың.

- Маусымның қорытындысы бойынша сен 17 шайба салып, өз командаңыздың екінші мергені болдың. Алайда есебіңде тек 10 беріліс бар. Бергеннен гөрі, гол соққан жақсырақ шығатын сияқты ма?

- Жоқ, олай демес едім. Серіктестерім дәл менің берілістерімен соққы жасай алмай жатады (күледі). Жалпы, оларға рахмет, мен үшін жақсы сәттер келтіріп жатады. Хоккей-бұл командалық ойын, мұнда бәрі өзара байланысты.

- Өткен маусымнан бастап "Барыс" толық вертикаль түзілді. Жас жігіттер ересек командаларда тәжірибе алуда. Қалай ойлайсың, бұл өсу үшін қосымша ынталандыру бола ала ма?

- Әрине, барлығымыздың да жоғары деңгейде ойнағымыз келеді. Менің ойымша, барлығы шеберлер командасына қосылуға және сонда орнығуға тырысады. Бірақ бұл үшін, біріншіден, өзіңді жастар деңгейінде көрсетуің керек. Қарапайым мысал: Артем Королев, Максим Мусоров, Диас Гусейнов. Олар жақсы нәтижеге қол жеткізді де, ересек команда  жаттықтырушыларының назарына ілікті.  

- Чехиядағы жастар арасындағы әлем чемпионаты. Қарсыластарыңнан екі жас кішісің, жай жүрмей екі шайба салдың. Бұл турнир несімен есте қалды?

- Әрине, Германиямен болған сол матч пен осы екі шайба есте қалды. Әлем чемпионатындағы атмосфера мүлдем өзгеше болды, ал команда деңгейі ЖХЛ-дан өте өзгеше. Бірақ мен өзім үшін қорытынды жасадым – қарсыластың жасына қараудың қажеті жоқ.

- Сен маусымаралық "Барыс" жастар лагеріндегі ойыншылардың тізіміне ендің. Бұл сен үшін күтпеген жағдай болды ма?

- Иә, шынымды айтсам, бұл күтпеген жағдай болды.. Осы жиындарға барынша дайындалдым, өзімді көрсеткім келді. Саған мұндай мүмкіндік беріп тұрған кезде, оны пайдаланып қалу керек, сол жерде өзіңді бекітетіндей, шеберлерден кем түспейтіндей болуың керек.

- Сен қазір карантин жағдайында немен айналысып жатырсың?

- Ұйықтаймын (күледі). Кейде достарыңызбен кездесіп, футбол ойнаймыз. Дене қалыбымды өз деңгейнде ұстап тұру үшін және маусым стартына жақсы күйде келу үшін өз бетімше жаттығамын. Жаттықтырушылар штабы бізге жаттығу бағдарламасын берді, бәріміз сол бойынша жаттығамыз.

-Әңгімеміздің соңында біздің жанкүйерлерімізге бос уақытта көруге ұсынатын бір-екі фильмді атасаң?

- Ойыма бірден үш фильм түсіп отыр: "Волк с Уолл-стрит", "128 ударов сердца в минуту"  және "В спорте только девушки".

Станислав Александров

Туған жылы: 17 қаңтар 2002 жыл

Азаматтығы: Қазақстан

Амплуасы: төтенше шабуылшы

Ұстауы: оң жақ

Бойы: 180 см

Салмағы: 83 кг

«Барыс» ХК бас серіктесі – «Самұрық Қазына» ҰӘҚ» АҚ

Достарыңызбен бөлісіңіз