Снежные Барсы Альметьевскідегі алғашқы кездесуде жеңілді

Астаналық ұжым қазан айындағы сырт алаңдағы ойындар сериясы аясында Альметьевскіде алғашқы кездесуін өткізді. Команданың қарсыласы «Спутник» болды. Ильгиз Нуриев ойыншылары 2:4 есебімен жеңіліп қалды.

Кездесудің алғашқы бөлігінде алаң иелері есеп ашты. «Спутник» сапындағы ойыншының командасы кем құрамда ойнап тұрғанына қарамастан, Артём Каримовтың соққысынан кейін Богдан Емельяновтың қақпасына шайба кірді. Араға көп уақыт салмай, Жахангер Тілеухан есепті теңестірді. Ол Данил Тычкиннің қақпасы маңындағы күресті сәтті пайдаланып, шайбаны қақпаға бағыттады. Алайда кезең соңына дейін алаң иелері Руслан Каримовтың голының арқасында қайтадан алға шықты.

Екінші жиырма минуттықтың басында Руслан Каримов матчтағы екінші голын соқты. Шайба Богдан Емельяновтың алдында қалып, қақпашы оны дер кезінде ұстап үлгермеді. Осы сәтті «Спутник» шабуылшысы тиімді пайдаланды. «Барыстар» Александр Симахиннің көмегімен айырмашылықты қысқартты. Ол командасының сан басымдығын сәтті пайдаланды. Алайда осыдан кейін астаналықтардың бастамасы бәсеңдеді. Матчтағы соңғы нүктені Руслан Каримов қойып, хет-трик рәсімдеді.

Енді командалар ертең қайта кездеседі. Ойын Қазақстан уақытымен 20:30-да басталады.

«Спутник» - «Снежные Барсы» 4:2 (2:1, 1:1, 1:0)

1:0 - 01:18 Каримов А (Бокарев) АГ

1:1 - 03:39 Тлеухан (Кравченко, Громов)

2:1 - 16:48 Каримов (Зарипов, Тазиев) АГ

3:1 - 20:32 Каримов

3:2 - 21:58 Симахин (Ануфриев) АГ

4:2 - 52:55 Каримов (Тазиев)

Қақпашылар: Тычкин - Емельянов

Достарыңызбен бөлісіңіз