Роман Савченко Барысқа оралды

"Барыс" хоккей клубы қорғаушы Роман Савченкомен келісімшарт жасалғанын хабарлайды. Біржақты келісім бір маусымға есептелген (2022 жылғы 30 сәуірге дейін).

32 жастағы өскемендік тәрбиеленуші қазақстандық жанкүйерлерге жақсы таныс. Бұған дейін ол тоғыз маусым бойы "Барыстың" намысын қорғап, еліміздің ұлттық құрамасына үнемі тартылып тұратын.

Роман соңғы екі жылын "Локомотивте" өткізді. Өткен маусымда Савченко 12 матч ойнады, онда ол бір қараусыз шайбамен ерекшеленді.  Жалпы, қорғаушы статистикасында ҚХЛ-да 560-тан астам матч бар.

"Барыс" ХК Бас серіктесі - "Самұрық-Қазына "ҰӘҚ" АҚ

Достарыңызбен бөлісіңіз