Барыс – Амур матчы алдында

Барыс Уфада өтіп жатқан Башқұртстан Республикасының кубогындағы ойынын «Амурға» қарсы кездесумен жалғастырады.

Хабаровскілік команда турнирдегі алғашқы ойынында сенімді ойын көрсетіп, «Ладаны» 5:0 есебімен ойсырата жеңді. Шайбаларды Борис Борин, Артём Шварёв, Иван Климович (дубль) және Ярослав Лихачёв соқты. Қақпада Максим Дорожко ойнап, 24 сейв жасады.

«Барыс» БРК аясындағы алғашқы матчында турнир иесі «Салават Юлаевтан» 1:4 есебімен жеңілді. Астаналықтар қарсылас аймағында жеткілікті қауіпті сәттер жасағанымен, оларды тиімді пайдалану жағынан қиындықтарға тап болды. Команда сапындағы жалғыз шайбаны Әлихан Өмірбеков соқты. Ол жаңадан қосылған Чейз Прискидің көк сызықтан жасаған соққысынан кейін мергендік танытты.

Бұл ойында шабуылшы Асанәлі Сәркенов пен Темірлан Айболұлы ересектер деңгейіндегі дебюттерін өткізді. Ал «Барыс» сапындағы алғашқы кездесуін бұған дейін аталған Прискиден бөлек, Гарретт Пилон мен Логан Дэй де өткізді.

«Барыс» – «Амур» матчы Қазақстан уақытымен 15:00-де басталады.

Достарыңызбен бөлісіңіз