ҚХЛ. Автомобилист-Барыс. Матч алдындағы

  «Барыстың» сырттағы матчтық сериясы Екатеринбургте аяқталады – дүйсенбі күні біздің команда жергілікті  «Автомобилистпен» бесінші кездесуін өткізеді. Урал командасымен өткен төрт матчта  «Барыс» үш рет жеңіске жетті, соның ішінде, 2019 жылдың қараша айының соңында Екатеринбургте  2:1 есебімен жеңді. Соңғы екі матчта қатарынан төрт жеңістен кейін  «Барыс» Санкт-Петербургтегі СКА мен Уфадағы  «Салават Юлаевтан» жеңіліп қалды. Шабуылшы Линус Виделль қатарынан төрт матчта ұпай жинауда (2+5). Шығыс Конференциясының кестесінде  «Барыс» 50 матчта 67 ұпай жинап, үшінші орында тұр. Шабуылшы Ииро Пакаринен жарақат алғандардың тізімінде.

 «Барыспен» кездесу  «Автомобилист» үшін ағымдағы жергілікті   үшінші ойын болмақ.  «Трактор» командасын жеңгеннен кейін (4:1) Андрей Мартемьяновтың командасы сенбі күні  «Ақ Барыс» конференциясының көшбасшысына жол берді – 2:3. Шайбалардың авторлары Джефф Плэтт және Найджел Доус болды. Үшінші кезең барысында  «Авто» қақпашы Якуб Коваржаны ауыстыруға мәжбүр болды, ол жарақаттануына байланысты соңына дейін ойнай алмады. Сонымен қатар, командадағы жарақат алғандардың тізімінде қорғаушы Николай Стасенко мен шабуылшы Степан Хрипунов, Александр Кучерявенко және Артем Гареев бар. Шығыс кестесінде  «Автомобилист»   «Барыстан»  51 матчта 65 ұпай қорымен, екі ұпайға кем тұр.

Екатеринбургтегі матч астана уақыты бойынша сағат 20:00-де басталады.
Тікелей көрсетілім Qazsport және КХЛ-ТВ HD телеарналарында көрсетіледі.
Fonbet –  «Барыс « ХК ресми букмекерлік компаниясы алдағы матчқа келесі коэффициенттерді ұсынады: П1 - 2,25 | Х - 3,90 | П2 - 2,85. Толығырақ сілтеме бойынша

  «Барыс» ХК-ның бас серіктесі -  «Самұрық-Қазына» ҰӘҚ» АҚ

 

Достарыңызбен бөлісіңіз