Тайлер Уотерспун Барыс құрамына қосылды

«Барыс» хоккей клубы тәжірибелі қорғаушы Тайлер Уотерспунмен біржақты келісімшартқа қол қойды. Келісім бір маусымға есептеліп, 2026 жылдың 31 мамырына дейін күшінде болады.

Тәжірибелі хоккейші АХЛ-де 700-ден астам матч өткізген, сондай-ақ ҰХЛ-де 36 ойынға қатысқан. 2022 жылы Уотерспун Канада құрамасының сапында Бейжің Олимпиадасына қатысты. Өткен маусымда ол «Монреаль Канадиенстің» фарм-клубы – «Лаваль Рокет» командасында өнер көрсетті. 79 кездесуде (оның ішінде плей-оффтағы 7 ойында) Тайлер 2 шайба соғып, 16 нәтижелі пас берді.

Тайлер Уотерспун туралы мәлімет:

Туған күні: 1993 жыл 12 наурыз

Алаңдағы орны: қорғаушы

Бойы: 188 см

Салмағы: 94 кг

Ойын таяғын ұстау бағыты: сол жақ

«Барыс» ХК бас серіктесі – «Самұрық-Қазына «ҰӘҚ» АҚ

«Барыс» ХК серіктесі – «Туризм және спорт индустриясын қолдау қоры» КҚ

Достарыңызбен бөлісіңіз