СКА - Барыс матчының алдында

«Барыс» Санкт-Петербургте сапардағы сериясының алғашқы матчын өткізеді.

Өткен турда өз алаңдарындағы мұзда овертайммен СКА Минсктің «Динамосынан» ұтылды (1:2). Қонақтар қақпасындағы жалғыз шайбаның авторы Алекс Гальченюк болды. Алаң иелерінің қақпашысы Никита Серебряков қақпаға 20 соққыға тойтарыс берді.

Бүгінгі таңда питерліктер Батыс Конференциясының плей-офф кезеңінен өз орнын қамтамасыз етті. Команданың есебінде 54 матчтан кейін 73 балл бар. СКА-ның үздік бомбардирі Александр Никишин (12+31) - Лиганың ең нәтижелі қорғаушысы. Артем Земченок (+23) және Михаил Воробьев (+22) пайдалылық көрсеткіші бойынша чемпионаттың үздік 3 ойыншысының қатарына кіреді. Жарақат алғандар тізімінде қорғаушылар Андрей Педан мен Степан Фальковский, сондай-ақ шабуылшы Владимир Алистров бар.

Дүйсенбіде «Барыс» қызу жекпе-жекте «Автомобилисттен» ұтылды (2:3). Маусымның 16-шы голын үздік бомбардир астаналық Понтус Оберг соқты. Кристиан Хенкель «Барыс» жейдесіндегі алғашқы шайбаны лақтырды. Никита Бояркин маусымдағы алғашқы жекпе-жегін және ҚХЛ мансабындағы 50-ші жекпе-жегін өткізіп, 26 соққыны қайтарды.

Қазақстандық ұжымның қоржынында 55 ойыннан кейін 44 балл бар. Әлихан Әсетов пен Эдвард Паскуале жарақат алғандар тізімінен шығарылып, екеуі де командамен бірге сапарға шықты.

Кездесу Астана уақыты бойынша сағат 22:30-да «Мұз сарайы» аренасында басталады.

Тікелей эфир Qazsport телеарнасында.

«Барыс» ХК бас серіктесі – «Самұрық-Қазына» ҰӘҚ» АҚ

«Барыс» ХК серіктесі - «Спорт және туризм индустриясын қолдау қоры» КҚ

Достарыңызбен бөлісіңіз