Максим Мухаметов мансабын барыста жалғастырады

«Барыс» хоккей клубы ресми түрде Максим Мухаметовпен келісімшарт жасасқанын мәлімдейді. Біржақты келісімшарт екі жылға, 2026 жылдың 31 мамырына дейін есептелген.

Қазақстандық шабуылшы мансабының барлығын дерлік «Барыс» жүйесінде өткізіп, «Снежные Барсы» мен «Номад» командаларында өнер көрсетті. 2023 жылы ол «Номадқа» Қазақстан чемпионатының алтын жүлдесін алуға көмектесіп, Pro Hokei Ligasy үздік шабуылшысы атанды. Өткен маусымда Максим «Металлург» сапында ҚХЛ-да дебют жасап, тұрақты чемпионаттың 24 матчында 4 (1+3) ұпай еншіледі. Плей-оффта Мухаметов 4 кездесуге қатысып, Гагарин Кубогының иегері атанды.

Олег Болякин, «Барыс» бас менеджері

- Мухаметов – бірегей шабуылшы, ол орталықта да, шетте де ойнай алады. Өте көп жұмыс атқаруға қабілетті ойыншы, тіпті қорғаныста да. «Металлургте» көп ойын уақытын алмаған болуы мүмкін, алайда Лигадағы дебюті жақсы болды деуге болады. Максим алғашқы матчтардан командаға пайдасын тигізе алады деп сенеміз.

«Барыс» ХК бас серіктесі – «Самұрық-Қазына «ҰӘҚ» АҚ

«Барыс» ХК серіктесі – «Туризм және Спорт индустриясын қолдау қоры» КҚ

Достарыңызбен бөлісіңіз