Кирилл Савицкий: "Ойын әуре-сарсаң күйде өтті"

Латвия қақпасына дубль жасаған Қазақстан құрамасының шабуылшысы Кирилл Савицкий біздің команданың Универсиадада өткен алғашқы матчқа түсініктеме берді.

- Кирилл, ойын сәл қызу басталған сияқты.

- Кез келген турнирдің алдында әр спортшының бойында толқу болады. Сондықтан біз біраз уайымдадық. Екі ауысымнан кейін ойынға етене кіріскен соң ойын әдеттегідей өтті.

- Жалпы алғанда ойын қалай өтті?

- Ойын әуре-сарсаң күйде өтті, ойын алдында ойлағанымыздың бәрі орындалмады. Бірақ командалардың деңгейі әртүрлі, сондықтан есеп айырмашылығы да алшақ болды. Әрине ойын оңай болды дей алмаймыз, қарсыластар жармасып ойнады.

- Ойыншыларды алаңнан жиі шығарып жіберу осы себепті болды ма?

- Иә, қарсыласымыз артымыздан әрдайым үлгермеді, кейде дөрекі ойнады. Сондықтан алаңнан шығарылды, осы сәттерді біз ұтымды пайдаландық.

- Красноярскідегі ахуал-жағдай қалай, шет-жағасын айтып өтсең?

- Жағдай өте жақсы, бірақ бөлмелерде теледидар жоқ, кешкі уақытта көңілің жабырқап қалады. Бірақ шахмат сияқты басқа ойын-сауық, ойын приставкалары орналасқан аймақтар бар, бұған қоса жай ғана серуендеуге болады. Әзірге «Планета» сауда-ойын-сауық орталығына барып уақыт өткіздік, оның іші үлкен әрі жақсы жасалған. Көп ұзамай Универсиаданың ашылу рәсімі болады, оған қатысуымыз әзірге белгісіз, ең болмағанда ойынды Интернеттен көріп тамашалаймыз.

Достарыңызбен бөлісіңіз