ҚХЛ. Барыстың маусым қарсаңындағы даярлық жоспары

«Барыс» алдағы маусымға дайындық жоспарын бекітті. Команда демалыстан 14 шілдеде шығады.

Екі күн бойы ойыншылар медициналық тексеруден өтеді. 16 шілдеге тест тапсыру жоспарланған, содан кейін Нұр-Сұлтанда (17 шілдеден 15 тамызға дейін) оқу-жаттығу жиындарының бірінші кезеңі басталады.

16-20 тамыз аралығында «Барыс» «Қазақстан Республикасы Президентінің Кубогында» ойнайды, оған сондай-ақ Екатеринбургтен «Автомобилист», Магнитогорскілік «Металлург», Нижнекамск қаласының «Нефтехимик» және Бейжің діу «Куньлунь Ред Стар» командалары қатысады. Турнирдің ойын кестесі кейінірек жарияланады.

21-23 тамыз аралығында «Барыс-Аренада» жиындардың екінші кезеңі өтеді.

24-27 тамыз аралығында «Барыс» «Челябі облысы губернаторының кубогында» өнер көрсететін болады. Бұл турнирдегі біздің команданың қарсыластары «Металлург», «Автомобилист» және «Трактор» болады.

28-31 тамыз аралығында елордада ОЖЖ-ның қорытынды кезеңі өтеді.

ҚХЛ маусымының басталуы 1 қыркүйекке белгіленген.

«Барыс» ХК бас серіктесі - «Самұрық-Қазына» ҰӘҚ» АҚ

«Барыс» ХК серіктесі - «Туризм және спорт индустриясын қолдау қоры» КҚ

Достарыңызбен бөлісіңіз