КХЛ. Барыс – Нефтехимик матчының алдында

«Барыс» «Нефтехимикпен» кездесудің төрт матчтық қонақтағы ойындар сериясын ашады.

Нижнекамск ойыншылары сәл сәтсіз бастамадан кейін кубок сегіздігіне үміт артуда. Өткен турда Олег Леонтьевтің командасы үйдегі мұз айдынында «Сібірді» 3-2 есебімен жеңді. Андрей Белозёров, Евгений Митякин және маусымдағы алғашқы шайбасын лақтырған Максим Гончаров мергендіктерімен ерекшеленді. Қақпашы Александр Судницин қақпаны 17 рет құтқарып, өз есебіне жазды. Татарстаннан келген команданың тәлімгері баспасөз мәслихатында кездесудің соңының өте шиеленісті болғанын, бірақ керек кезде оның командасына қақпашының көмектескенін атап өтті.

Бүгінгі таңда «Нефтехимик» қоржынында 17 ұпайға ие, бұл Шығыс конференциясында тоғызыншы орын. Команданың үздік шабуылшысы Вячеслав Лещенконың есебінде 15 (7+8) ұпай бар, ол соңғы екі ойында нәтижелі әрекеттерімен ерекшеленген жоқ. 22 қазанда жарақат алғандар тізімінде қақпашылар Эмиль Гарипов пен Андрей Тихомиров, сондай-ақ қорғаушы Михаил Сидоров болды.

«Барыс» жұма күні маусымда үшінші рет 0:5 есебімен жеңілді, бұл жолы «Металлургке» есе жіберді. Андрей Скабелка матчтан кейін алғашқы сәтсіз кезеңге қынжылып, қарсыластың тезірек болғанын және күресте жеңіске жеткенін атап өтті.

21 матчта қазақстандықтар 23 ұпай жинады. Линден Вей 15 (10+5) ұпаймен команданың үздік шабуылшысы болып қалуда. Алдағы кездесулерде «Барысқа» шабуылшылар Ансар Шайхмедденов, Майкл Шапю және Никита Михайлис көмектесе алмайды, олар жарақат алғандар тізімінде.

Айдың басында «Нефтехимик» және «Барыс» Астанада кездесті. Сол кезде ресейлік ұжым 2:1 есебімен жеңіске жеткен еді.

Матч астана уақытымен сағат 20:00-де «Нефтехим Арена» мұз айдынында басталады.

Тікелей көрсетілім Qazsport және KHL Prime арналарында болады.

«Барыс» ХК бас серіктесі - «Самұрық-Қазына» ҰӘҚ» АҚ

«Барыс» ХК серіктесі – «Туризм және спорт индустриясын қолдау қоры» КҚ

Достарыңызбен бөлісіңіз