Барыспен бірге Спорт күніне шақырамыз!

«Барыс» хоккей клубы елорда тұрғындары мен қала қонақтарын 18 шілде күні Ботаникалық бақ аумағында (Бұқар жырау көшесі жағынан) өтетін спорттық іс-шараға қатысуға шақырады.

Сіздерді «Барыс» хоккей клубы мен Қазақстан ұлттық құрамасының ойыншыларымен бірге уақыт өткізуге, түрлі спорттық белсенділіктерге қатысуға және сүйікті хоккейшілеріңізден қолтаңба алуға тамаша мүмкіндік күтеді. Сонымен қатар іс-шара барысында Barys Store фирмалық атрибутика дүкенінің сауда нүктесі жұмыс істейді.

«Барыспен» бірге Спорт күні аясында қонақтарды мынадай спорттық ойындар күтеді:

* Әділ Бекетаевпен футбол;

* Самат Данияр және Әлихан Әсетовпен волейбол;

* Дінмұхамед Қайыржанмен баскетбол;

* Кирилл Панюков пен Кирилл Савицкиймен теннис;

* Ансар Шайхмедденовпен пилатес.

Спорттық бөлімнің басталуы – 10:00.

Қатысу үшін сайтында тегін билет рәсімдеу қажет. Орын саны шектеулі!

Қауіпсіздік талаптарына сәйкес спорттық ойындарға 16 жастан асқан қонақтар ғана қатыса алады.

Ойыншылардың қатысуымен өтетін қолтаңба сессиясы 11:30-дан 12:30-ға дейін өтеді.

Қолтаңба сессиясына кіру тегін, билет қажет емес.

P.S. Ауа райының ыстық болуына байланысты күннен қорғайтын бас киім алып келуді, сондай-ақ өзіңізбен жеткілікті мөлшерде су алуды ұсынамыз.

Достарыңызбен бөлісіңіз