Оразовтың дебюттік голы Барысты жеңілістен құтқармады

Маусымның соңғы сырт айдындағы матчын «Барыс» Новосібірде өткізді.

Астаналық команда ойынның алғашқы минуттарын жақсы өткізіп, қарсылас аймағына кірген бетте қақпаға қарай соққы жасаған Дінмұхамед Қайыржанның арқасында есеп ашты. Алайда кезең соңын «Сібір» өз пайдасына жазды. Алдымен айдын иелері сан басымдығын жүзеге асырды (шайба авторы – Энди Андреофф), кейін тағы екі нәтижелі шабуыл ұйымдастырды. Гол авторлары – Павел Гоголев пен Никита Коротков. Екінші жиырма минуттықтың соңына қарай «Барыс» есеп айырмасын бір шайбағы дейін қысқартты – Бейбарыс Оразов Құрлықтық хоккей лигасындағы алғашқы голын соқты. Ойынның соңғы бөлігі астаналық команданың басымдығымен өткеніне қарамастан, таразы басы теңескен жоқ. 20 наурызда Ғалым Мамбетәлиев шәкірттері өз айдынында «Ақ Барсты» қабылдайды.

 «Сібір» - «Барыс»3:2 (3:1, 0:1, 0:0)

0:1 – 05:57 – Кайыржан (Старченко, Бекетаев)

1:1 – 14:57 – Андреофф (Широков, Бек) СБШ

2:1 – 15:52 – Гоголев (Белоусов, Аланов)

3:1 – 17:20 – Коротков (Морозов)

3:2 – 38:05 – Оразов (Сетдиков, Николишин)

Қақпашылар: Костин- Шестаков

«Сібір Арена».11440 көрермен

«Барыс» ХК бас серіктесі – «Самұрық Қазына» ҰӘҚ» АҚ

«Барыс» ХК серіктесі – «Туризм және спорт индустриясын қолдау қоры» КҚ

Достарыңызбен бөлісіңіз