ӘЧ IА. Литва – Қазақстан 1:4

Бірінші дивизионның А тобындағы әлем чемпионатындағы алғашқы ойында Қазақстан ұлттық құрамасы Литва құрамасымен кездесті.

Ойын номиналды қонақтар сапындағы ойыншының айып уақытымен басталды, бұл мүмкіндікті Айварас Бендзиус сәтті пайдаланды. Үзіліске дейін қазақстандықтар бірнеше қауіпті сәттер ұйымдастырды, сол эпизодтардың бірінде Роман Старченко шайбаны қақпаның маңдайшасына тигізді.

Шешуші кезең үшінші период болды. Осы бөлікте Қазақстан құрамасы өз басымдығын толық пайдаланып, оны голдарға айналдырды. Есепті Кирилл Савицкий теңестірді, одан кейін Артур Гатиятов, Семён Симонов және Фёдор Хорошев ересектер арасындағы әлем чемпионаттарындағы алғашқы шайбаларын соқты. Андрей Шутов матч қорытындысы бойынша 12 сейв жасады.

3 мамыр күні Талғат Жайлауовтың ойыншылары Жапония құрамасымен кездеседі. Матч 15:30-да басталады.

Литва – Қазақстан 1:4 (1:0, 0:0, 0:4)

1:0 – 01:56 – Бендзиус (Гинтаутас, Алишаускас) АГ
 1:1 – 41:23 – Савицкий (Оразов, Бекетаев)
 1:2 – 46:54 – Гатиятов (Әсетов)
 1:3 – 55:08 – Симонов (Никитин, Логвин)
 1:4 – 58:17 – Хорошев (Гатиятов, Шайхмедденов)

Қақпашылар: Науседа – Шутов

Фото – IIHF

Достарыңызбен бөлісіңіз