Барыс маусымда үшінші рет Салават Юлаевқа есе жіберді

«Барыс» жаңа жылдың алғашқы сырт алаңдағы сериясын Уфада жалғастырды. Батырлан Мұратов пен Кирилл Ляпуновтың орнына астаналықтардың бапкерлік штабы ойынға Эмиль Галимов пен Семён Симоновты қосты. Адам Шил екінші матч қатарынан ойын басынан шықты.

Алаң иелерінің жылдам соққан шайбасы –  Егор Сучков ойын басталғанына 60 секунд өткенде көзге түсіп, ойын барысын айқындап берді. Всеволод Логвиннің бес минуттық айып алаңына жіберілуі жағдайды қиындатуы мүмкін еді, алайда астаналықтар төтеп берді, ал Адам Шил осы сәтте бірнеше әсерлі сейв жасады. Бастаманы қолға алған «Барыс» Дінмұхамед Қайыржанның дәл соққысымен есепті теңестіріп, одан кейін алты минут қатарынан артықшылықта ойнады. Алайда артықшылықты пайдалану мүмкін болмады.

Қорытынды кезең уфалықтардың пайдасына шешілді. Евгений Кузнецов кейінге қалған артықшылықта шайба соқса, матчтағы соңғы нүктені оның аттасы Максим Кузнецов қойды. 12 қаңтарда қазақстандық команда Екатеринбургте «Автомобилистпен» кездеседі.

«Салават Юлаев» - «Барыс» 3:1 (1:0, 0:1, 2:0)

1:0 – 01:00 – Сучков (Кузнецов Е., Жаровский)

1:1 – 26:43 – Қайыржан (Әсетов, Бреус)

2:1 – 45:14 – Кузнецов Е. (Ремпал, Жаровский)

3:1 – 53:37 – Кузнецов М. (Горшков, Ефремов)

Қақпашылар: Вязовой – Шил

«Уфа-Арена».      көрермен

«Барыс» ХК бас серіктесі – «Самұрық-Қазына «ҰӘҚ» АҚ

«Барыс» ХК серіктесі – «Туризм және спорт индустриясын қолдау қоры» КҚ

Достарыңызбен бөлісіңіз