Барыс Металлургтің қақпасын бұза алмады

Чемпионаттағы сырт алаңдағы екінші матчында «Барыс» «Металлургпен» кездесті. Астаналықтардың жаттықтырушылар штабы Тольяттидегі жеңістен кейін құрамға өзгеріс енгізген жоқ.

Хантер Шепардтың қақпасын шайба жібермей қорғаған сериясы 89 минут 45 секундтан кейін үзілді. Осы сәтте Макар Хабаров көк сызықтан жасаған соққысымен есеп ашты. Ал 10-минуттың соңына қарай қонақтардың қақпашысы қақпадан кетті. Егор Коробкин мен Никита Михайлис қарсы шабуылдарды нәтижелі пайдаланып, екі шайба соқты. Осыдан кейін «Барыстың» жаттықтырушылар штабы маусымдағы алғашқы рет Андрей Шутовты ойынға қосты.

Екінші кезеңде қазақстандықтар есеп айырмасын барынша қысқартуға мүмкіндік алды. Алайда жүз пайыздық екі гол соғу мүмкіндігінде де шайба қандай да бір себеппен қақпа сызығынан өте алмады.

Қорытынды үшінші кезең «Барыстың» басымдығымен өтті. Астаналықтар сан басымдығын пайдалануға бірнеше мүмкіндік алды. Дегенмен Александр Смолиннің қорғаған қақпасына шайба соға алмады.

20 қыркүйекте Михаил Кравецтің ойыншылары Ярославльде «Локомотивке» қарсы матч өткізеді.

«Металлург» – «Барыс» 3:0 (3:0, 0:0, 0:0)

1:0 – 02:32 – Хабаров (Коротков, Нечаев)

2:0 – 02:48 – Коробкин (Коротков)

3:0 – 09:44 – Михайлис (Толчинский, Тодд)

Қақпашылар: Смолин – Шепард (Шутов, 09:44–60:00)

«Металлург» аренасы. 6 433 көрермен.

«Барыс» ХК-ның бас серіктесі – «Самұрық-Қазына» ҰӘҚ» АҚ

«Барыс» ХК-ның серіктесі – Туризм және спорт индустриясын қолдау қоры» ҚҚ

Достарыңызбен бөлісіңіз