Бояркиннің құрғақ ойыны Барысқа Хабаровскіде жеңіс әкелді

Наурыз айындағы алты сырт алаңдағы матчтың төртіншісін «Барыс» Хабаровск қаласында өткізді. Дисквалификацияланған Әлихан Әсетовтің орнына құрамға Максим Мухаметов енгізілді.

Алғашқы кезеңде алаң иелері шайбаны көбірек бақылап, бір рет бағананы да көздеді. Дегенмен осы кезеңде қауіпті шабуылдар «Барыс» тарапынан жиі болды. Астаналықтар көк сызықтан жасалған соққылардан кейін бірнеше жақсы мүмкіндікке ие болды.

Екінші жиырма минуттықтың басында есепті астаналықтар ашты. Артықшылықта Әлихан Өмірбеков мергендік танытып, өткен жылдың 23 қарашасынан бері жалғасқан голсыз сериясын тоқтатты. Кезең ортасында Макс Уилман қуатты соққымен Максим Дорожко қақпасының маңдайшасын тексерді. Ал екінші үзіліске 32 секунд қалғанда Майкл Веккьоне артық құрамда тағы бір шайба соқты.

Қорытынды кезеңде «Барыс» есепті сақтап, қарсыласына интриганы қайтаруға мүмкіндік берген жоқ. Матчтың соңғы нүктесін бос қақпаны дәл көздеген Веккьоне қойды. Никита Бояркин қақпаға бағытталған 34 соққыны қайтарып, осы маусымда алғаш рет «құрғақ» матч өткізді.

12 наурыз күні Михаил Кравец ойыншылары Владивостокта «Адмиралмен» кездеседі.

«Амур» – «Барыс» 0:3 (0:0, 0:2, 0:1)

0:1 – 21:43 – Өмірбеков (Қайыржан, Савицкий) АГ

0:2 – 39:28 – Веккьоне (Уолш, Томпсон) АГ

0:3 – 58:31 – Веккьоне (Масси, Морелли) БҚ

Қақпашылар: Дорожко – Бояркин

СЗК «Платинум Арена». 7 100 көрермен.

«Барыс» ХК бас серіктесі – «Самұрық-Қазына «ҰӘҚ» АҚ

«Барыс» ХК серіктесі – «Туризм және спорт индустриясын қолдау қоры» КҚ

Достарыңызбен бөлісіңіз