Руслан Оспанов: “Өз-өзіңмен мүмкіндігінше көп жұмыс істеу керек”

“Снежные Барсы” командасының шабуылшысы Руслан Оспанов Қазақстан чемпионатында 36 матч өткізді.

Ойыншының активінде 9 (6+3) ұпай бар.

- Өзің туралы айтып берсең?

- Мен хоккейшілердің “ұлы” қаласы Өскеменде дүниеге келдім, 24 мектепте оқыдым, қазір Нұр-Сұлтан қаласындағы №32 мектептің 11 сыныбында оқимын.

- Хоккейді қанша жастан ойнай бастадың?

- Мен 3 жасымда конькиге тұрдым. Көптеген балалар сияқты, хоккейге мені ата-анам алып келді. Бұл мен айналысатын алғашқы және қазіргі таңдағы жалғыз спорт түрі. Үш жасымда мұзға тұрдым да, бірден бәрі ойдағыдай болды, коньки теуіп, бірден ұнаттым деуге болады.

- Әсіресе есіңде қалған матч бар ма?

- Бүгінгі таңда есімде қалған матч та, соншалықты жоғары жетістіктерім де жоқ десе болады. Бірақ, мұны мен уақыттың ісі деп ойлаймын. Қазіргі таңда бұл менің кәсіби мансабымның басы ғана, одан әрі жетістіктер көп болады деп ойлаймын.

- “Снежные Барсы” мен “Барыс” жастар командасында өткен маусым туралы не айта аласың?

- “Снежные Барсы” командасының маусымы жаман болған жоқ. Жыл сайын команда дамып келеді. Ал “Барыс” жастар командасы тұрақты ойыннан сенімді өтіп, бірінші орынға ие болды. Ал плей-оффта біз “Снежные Барсы” командасының жігіттерімен аздап көмектесіп, Қазақстан чемпионы Кубогын жеңіп алған кезде олармен бірге қуандық. Бұл “Барыс” жүйесіндегі жастар командасы үшін жақсы дәстүрге айналды.

- Қазақстан чемпионатында “Снежные Барсы” командасының қай кезеңін сәтті деп атауға болады?

- “Снежные Барсы” командасының сәтті кезеңі маусымның ортасында болды деп ойлаймын. Сол кезде команда сенімді және жүйелі ойнап, нәтижелеріміз жақсы болды. Маусымның соңында чемпионаттың көшбасшыларын жеңдік. Бұл жақсы көрсеткіш және бүкіл маусымда болған жұмыстың нәтижесін көрсетеді.

- Өзің ойнаған нөмірдің сен үшін қандай символикалық мәні бар?

- Ойындағы нөмір менің анаммен байланысты. Оның туған күні 28-де, сондықтан мен 28 нөмірімен ойнаймын.

- Сенің ойыңша, хоккейші қандай қасиеттерге ие болуы керек?

- Менің ойымша, хоккейшінің басты қасиеті - сүйікті ісімен айналысуға және көп жұмыс істеуге деген үлкен ықыластың болуы керек.

- Сен үшін барлық уақыттағы хоккейшілердің кумирі кім?

- Олар бірнешеу: канадалық хоккейшілер, “Эдмонтон Ойлерз“ ҰХЛ клубтарының орталық шабуылшылары Коннор Макдэвид, “ Колорадо Эвеланштан“ Натан Маккиннон және “Миннесота Уайлд“ шабуылшысы Кирилл Капризов. Олар өте жылдам, олардың қол техникасы жақсы және жылдам, олар бүкіл алаңды жақсы көреді.

- Саған қандай қыздар ұнайды?

- Маған мейірімді қыздар ұнайды.

- Сен романтиксің бе, егер солай болса, онда бір жағдайды айтып берсең?

- Иә, мен романтикпін, бірақ романтизмді көрсетуге әлі қолайлы жағдай болған жоқ. Мұндай күн міндетті түрде туады деп ойлаймын. 

- Саған стадионның қалай жанкүйер болғаны ұнайды ма?

- Осы маусымда әсіресе чемпионат көшбасшыларымен тең ойнағанда, бізді трибунадан өте жақсы қолдады. Сондықтан маған біз үшін қолдау көрсеткені қатты ұнайды. Барлық жанкүйерлерге үлкен рахмет.

- Сен өзің туралы соңғы рет қашан “гуглдан” оқыдың және қандай қызықты жайттарды көрдің?

- Бұл туралы ойламаппын. Қарап көрейін, мүмкін қызықты нәрсе көріп қалармын.

- Саяжайда немесе бақшада жұмыс істегенді ұнатасың ба?

- Жүгіретін аймақта жұмыс істегенді ұнатамын, бұл саяжайға немесе бақшаға қарағанда әлдеқайда қызықты (күледі).

- Компьютерлік ойындар ойнайсың ба, қандай ойындарды және кіммен ойнайсың?

- Компьютерлік ойындарсыз қалай жүруге болады? Кейде, уақыт болған кезде, “бауырым” Дима Бреуспен “Call Of Duty: Warzone” ойынын ойнаймыз.

- Қандай арманың бар?

- Ең үлкен және басты арманым - ҰХЛ ойнау. Бірақ бұған дейін Қазақстан чемпионатында жақсы нәтиже көрсетіп, “Барыс” құрамына өтіп, КХЛ-да ойнау керек.

- Болашақта қандай жоспарың бар?

- Арманыңды іске асыру үшін өзіңмен барынша жұмыс істеу қажет. Жақын арадағы ең басты жоспарым осы шығар.

Достарыңызбен бөлісіңіз