«Снежные Барсы» жаңа маусымды өз алаңындағы үш ойындық сериямен бастайды. Оның аясында астаналықтар өздері үшін жаңа қарсылас – «АКМ-Юниор» командасымен (9-10 қыркүйек) және «Локо-76» клубымен (14 қыркүйек) кездеседі. Бұдан кейін команда Пермь қаласына қысқа мерзімді сырт алаң турына аттанып, 18 және 19 қыркүйекте «МХК Молотпен» күш сынасады.
Чемпионаттың ойын кестесі жанкүйерлерге МХЛ оқиғаларын ыңғайлырақ қадағалауға мүмкіндік беру мақсатында жасалған. Ойын күндерінің шамамен жартысында (46,3%) төрт матчтан артық өтпейді. Бұл – лига тарихындағы үшінші үздік көрсеткіш және 2015/2016 жылғы маусымнан бергі ең жоғары нәтиже. Жалпы 188 ойын күнінің тек бесеуінде ғана тоғыздан көп матч жоспарланған. Бұл да МХЛ тарихындағы ең төмен көрсеткіш.
2026/2027 жылғы маусымның күнтізбесін әзірлеу барысында бір жүйеге кіретін және бірдей ареналарды пайдаланатын командалардың бір күнде ойын өткізу жағдайлары екі еседен астам қысқартылды. Егер өткен маусымда мұндай сәйкестіктер саны 33 болса, енді олардың саны 13-ке дейін азайды.
«Снежные Барсы» үшін тұрақты чемпионат 22 наурызда аяқталады. Сол күні Ильгиз Равильевичтің ойыншылары сырт алаңда «Красноярские Рыси» командасымен кездеседі.
Қазақстан жастар құрамасының жастар арасындағы әлем чемпионатына қатысуына байланысты «Снежные Барсы» 2026 жыл 17 қараша мен 17 желтоқсан аралығында бірде-бір ресми матч өткізбейді.
«Снежные Барсы» командасының толық ойын кестесімен осы жерден танысуға болады.
Достарыңызбен бөлісіңіз
Войдите в профиль
Чтобы оставить комментарий войдите или зарегистрируйтесь
Достарыңызбен бөлісіңіз
Сілтемені көшіріп алыңыз немесе әлеуметтік желілерде бөлісіңіз.
