15 Желтоқсан 2022

Жастар арасындағы ӘЧ. Қазақстан – Дания 4:0

Норвегияда өтіп жатқан жастар арасындағы әлем чемпионатының (ІА) үшінші матчында Қазақстан құрамасы өз қақпасына бірде-бір гол жібермей, Даниядан басым түсті. 32 соққыға тосқауыл болған қақпашы Роман Шефер кездесудің нағыз қаһарманына айналды. Шабуылшы Всеволод Логвин дубль авторы атанса, Дінмұхамед Қайыржан турнирдегі екінші шайбасын соқты, ал жеңіс шайбасы Роман Ермактың есебіне жазылды.

Қазақстан – Дания 4:0 (1:0, 2:0, 1:0)

1:0 – 06:28 – Ермак (Қайыржан)

2:0 – 38:18 – Логвин (Нұрлан, Бреус)

3:0 – 39:32 – Қайыржан КҚШ

4:0 – 52:23 – Логвин (Жүсіпбеков)

Қақпашылар: Шефер – Штайнбергс

Үш ойыннан кейін 6 ұпай жинаған Қазақстан құрамасы турнирлік кестеде 3-орында тұр. Қазақстан жастар құрамасының келесі қарсыласы – Словения командасы. Кездесу 15 желтоқсан күні өтіп, Астана уақытымен 21:30-да басталады.