«Барыс» пен «Торпедо» арасындағы Гагарин кубогына плей-офф кезеңінің бірінші раундтық сериясының төртінші матчы дүйсенбіде Нижний Новгородта өтеді. Бұған дейін сенбі күні «Барыс» ойын сериясында «Торпедодан» бірінші рет жеңіліс тапты. «Нагорный» МСК мұзындағы матч 1:3 есебімен аяқталды. «Барыс» есебіне жазылған жалғыз шайбаның авторы Мэтт Фрэттин болды – бұл канадалық шабуышының плей-оффтағы үшінші шайбасы, ол қатарынан үш ойында гол соғып, соңғы 8 матчта 10 ұпай жинады. «Барыстың» тең емес құрамда өткізген ойынын оң деп бағалауға болады. Матч барысында «Барыс» азшылықта сегіз рет ойнады – арнайы бригадалар алаң иелерінің гол соғуға жасаған барлық талпыныстарын болдырмай тастады. Үшінші кезеңнің соңына дейін 8:24 уақыт қалғанда қорғаушы Максим Семёнов ойын соңына дейін тәртіптік жаза алды, ол бір матчқа шеттетіліп, бүгінгі кездесуден тыс қалатын болды. Бүгінгі таңда құрамнан тыс қалған -шабуылшы Егор Петухов.
«Торпедо» сериядағы бірінші матчты 3:1 есебімен жеңді. Нижегородтықтар сериядағы артта қалуды 1:2 -ге дейін қысқартты. «Барыспен» болған жеңісті ойында қақпашы Барри Браст 30 сейв жасап (96,8%) шешуші нәтижеге ықпал етті. Команда капитаны Денис Баранцев ҚХЛ-дағы 19-шы плей-офф ойынында екі рет гол соқты. Тағы бір шайбаны Филипп Хольм қосты.
Команданың бас жаттықтырушысы Дэвид Немировски командаға «қайсарлығы, жан-тәнімен ойнағаны және ықыласы» үшін өз алғысын білдірді. Қақпашы Станислав Галимов пен қорғаушы Мэтью Боди жарақат алғандардың тізімінде.
Матч «Нагорный» МСК-да Астана уақыты бойынша сағат 22:00 -де басталады.
Тікелей көрсетілімді Qazsport арнасы жүргізеді.
Достарыңызбен бөлісіңіз
Войдите в профиль
Чтобы оставить комментарий войдите или зарегистрируйтесь
Достарыңызбен бөлісіңіз
Сілтемені көшіріп алыңыз немесе әлеуметтік желілерде бөлісіңіз.