ЭДУАРД ЗАНКОВЕЦ: «САБЫР САҚТАУЫМЫЗ КЕРЕК»

Эдуард ЗАНКОВЕЦ «Барыс» ХК бас бапкері  

 – Ойынның бірінші кезеңі дұрыс  басталмады. Толық құрамда ойнаған уақытымыз көп болды. Оны ұтымды пайдалана алған жоқпыз. Есеп айырмасын ұлғайтып алатын сәт көп еді. Сондықтан осы мүмкіндіктерді құр жіберудің өзі кездесу тағдырына әсер етті деп ойлаймын. Толық құрамда қалай болса солай қимылдап, кездесу соңында жеңіске жету әділ болмас. Бойдтың ойынға араласқанына бір апта ғана болды. Сондықтан ол тиісті қалыпқа келіп үлгерген жоқ. Оның үстіне оны құрамға қосу үшін Сен-Пьер, Боченски және Доус үштігін бөлуге тура келді. Өйткені, Бойдқа жұптасып өнер көрсететін ойыншы жоқ.  Осы орайда үйлесімділік бұзылды. Алайда сабыр сақтауымыз керек. Барлығы өз орнына келеді. Бойд – жоғары деңгейдегі ойыншы. Сондықтан ойын ырғағына еніп кетуі үшін оған уақыт қажет екенідігі түсінікті. Сол себептен сабыр сақтаудан басқа жол жоқ. 

Достарыңызбен бөлісіңіз