Бэйлидің дублі Барысқа Ладаны ойсырата жеңуге көмектесті

Жаңа басталған тұрақты чемпионаттағы алғашқы сырт алаңдағы матчында «Барыс» Тольяттиде «Ладамен» кездесті. Астаналық клубтың жаттықтырушылар штабы Әлихан Әсетов пен Батырлан Мұратовты құрамға қосты. Мұратов осы маусымда алғаш рет ҚХЛ матчына қатысты.

Қонақтар ойынның алғашқы бөлігін жақсы өткізіп, кем дегенде үш жүз пайыздық мүмкіндік жасады. Солардың бірінде Никита Подскребалин «2-ге 1» шабуылынан кейін өз командасын голдан құтқарып қалды. Сәл кейін Тайс Томпсон қақпа алдындағы тиімді позициядан нысанаға дәл тигізе алмады. Алайда кезең соңына қарай төртінші құрамның қарсы шабуылы Джейк Массидің гол соғуына әкелді.

Үзілістен кейін бірден Джастин Бэйли аймаққа кіре бере қуатты соққысымен «Барыстың» басымдығын еселей түсті. Ал екінші кезеңнің аяқталуына 46 секунд қалғанда Семён Симонов шабуылды екінші қарқынмен дер кезінде қолдап, тольяттиліктердің қақпасына тағы бір шайба салды.

Қорытынды кезеңде Иэн Маккошен, Джастин Бэйли және Тайс Томпсонның дәл соққылары астаналықтардың сенімді жеңісіне жол ашты. Жеті соққыны қайтарған Хантер Шепард ҚХЛ-дағы алғашқы құрғақ матчын өткізді.

18 қыркүйек күні Михаил Кравец ойыншылары Магнитогорскіде «Металлургпен» кездеседі.

«Лада» – «Барыс» – 0:6

(0:1, 0:2, 0:3)

0:1 – 18:12 – Масси (Өмірбеков, Мұратов)

0:2 – 21:00 – Бэйли (Қайыржан)

0:3 – 39:14 – Симонов (Ляпунов, Бекетаев)

0:4 – 46:01 – Маккошен (Савицкий)

0:5 – 53:04 – Бэйли

0:6 – 55:14 – Томпсон (Приски) АГ

Қақпашылар: Подскребалин (Мишуров, 40:00-60:00) – Шепард

«Лада-Арена». 3766 көрермен

«Барыс» хоккей клубының бас серіктесі – «Самұрық-Қазына» ҰӘҚ» АҚ

«Барыс» хоккей клубының серіктесі – Туризм және спорт индустриясын қолдау қоры

Достарыңызбен бөлісіңіз