Давид Скленичка мансабын Швейцарияда жалғастырады

«Барыстан» жаңа келісімшарт жасасу үшін квалификациялық ұсыныс алған Давид Скленичка мансабын Швейцарияда жалғастырады. Чехиялық қорғаушы командамызда бір маусым өткізіп, астаналық ұжым қорғанысының ең үздік ойыншысы атанды (8+25 ұпай).

Олег Болякин, «Барыс» бас менеджері

- Әрине, Скленичканы «Барыс» құрамында сақтап қалғымыз келген. Біз оған жақсы квалификациялық ұсыныс жасадық. Давид ұзақ ойланып, отбасы жағдайына байланысты мансабын Еуропада жалғастыруды жөн деп шешті. Оның командаға сіңірген еңбегі үшін алғыс айтамыз және алдағы мансабына сәттілік тілейміз.

Достарыңызбен бөлісіңіз