Барыс қатарынан үшінші матчта жеңіске жетті

«Барыс» Владивостоктағы сырт алаңдағы турнесін жалғастырды. Бір матчтық дисквалификациядан кейін астаналықтар құрамына Әлихан Әсетов қайта оралды.

Қонақтар ойынның бастапқы бөлігін жақсы өткізіп, ойын басымдығына ие болды, алайда алғашқы кезеңде гол соғылған жоқ. «Адмирал» сапында Либор Шулактың шайбаны бағанаға тигізген соққысы есте қалды.

Екінші жиырма минуттықта ойынның сипаты өзгеріп, шайбаны бақылау алаң иелерінің қолына өтті. Дегенмен «Барыс» қорғаныста сенімді ойнап, сирек мүмкіндіктерінің бірін тиімді пайдаланды. Джейк Масси керемет ойнап, қатарынан төрт қарсыласын алдап өтіп, Макс Уиллманға гол соғатын тамаша мүмкіндік жасап берді.

Никита Тертышный Самат Даниярдың таяғының көмегімен Никита Бояркиннің 135 минут 57 секундқа созылған «құрғақ» сериясын тоқтатты. Соған қарамастан, бүгінгі жеңіс қазақстандық командаға бұйырды. Шешуші шайбаны «4-ке 4» форматында Тайс Томпсон соқты. Ал Бояркин өз есебіне 31 сейв жазды.

13 наурызда Михаил Кравецтің ойыншылары «Адмиралмен» қайтадан кездеседі.

«Адмирал» – «Барыс» 1:2 (0:0, 0:1, 1:1)

0:1 – 33:31 – Уиллман (Масси)

1:1 – 43:34 – Тертышный (Старков, Шулак) АГ

1:2 – 56:32 – Томпсон (Уиллман, Масси)

Қақпашылар: Кульбаков – Бояркин

КСК «Фетисов Арена». 2 915 көрермен.

«Барыс» ХК бас серіктесі – «Самұрық-Қазына «ҰӘҚ» АҚ

«Барыс» ХК серіктесі – «Туризм және спорт индустриясын қолдау қоры» КҚ

Достарыңызбен бөлісіңіз