Барыс үздік сегіздікке қайта оралу мүмкіндігін жіберіп алды

Сырт алаңдағы серияның алғашқы матчында «Барыс» «Ладамен» кездесті. Михаил Кравец ЦСКА-мен өткен үй ойынынан кейін құрамға өзгеріс енгізген жоқ.

Кездесудің бастапқы бөлігінде алаң иелері басымдық танытып, кемінде екі қауіпті сәт жасады. «Барыстың» қорғанысы, соның ішінде төрт минуттық азшылықта ойнаған кезде де, төтеп бере алды. Бір эпизодта Колби Уильямс шайбаны қақпа бағанасына тигізді.

Екінші кезеңде астаналықтар бастаманы өз қолына алып, қонақтар шайбаны көбірек бақылауда ұстады. Есеп ашуға ең нақты мүмкіндік Эмиль Галимовта болды, ол Әлихан Өмірбековтің пасынан кейін бірден соққы жасады, алайда Александр Трушковты қапы қалдыра алмады.

Ойын тағдырын 54-минуттың басында Андрей Алтыбармакянның дәл соққысы шешті. Ал қорытынды есепті Артур Тянулин «Барыстың» бос қақпасына шайба енгізіп бекітті. Адам Шил матч барысында 27 сейв жасады.

22 қаңтарда Михаил Кравецтің ойыншылары Мәскеуде ЦСКА-мен кездеседі.

«Лада» – «Барыс» 2:0 (0:0, 0:0, 2:0)

1:0 – 53:06 – Алтыбармакян (Савчук, Земчёнок)

2:0 – 58:25 – Тянулин (Савчук)

Қақпашылар: Трушков – Шил

«Барыс» ХК бас серіктесі – «Самұрық-Қазына «ҰӘҚ» АҚ

«Барыс» ХК серіктесі – «Туризм және спорт индустриясын қолдау қоры» КҚ

Достарыңызбен бөлісіңіз