Бүгін «Барыс» ХК ҚХЛ плей-офф кезеңі басталар алдында елорда мұзында ашық жаттығу өткізді

Бүгін «Барыс» ХК Құрлықтық хоккей лигасының плей-офф кезеңі басталар алдында елорда мұзында ашық жаттығу өткізді.

Сейсенбі күні 1 наурызда Гагарин Кубогының бірінші матчында Юрий Михайлистің шәкірттері сырт алаңда Магнитогорск «Металлургіне» қарсы ойын өткізетін болады. Тағы бір матч 3 наурызда Магнитогорск қаласында өтеді. Қазақстан астанасындағы кездесулер 5-і және 7-сі өтеді. Серия төрт жеңіске дейін жалғасады. Қажет болған жағдайда тағы үш ойын өткізілуі мүмкін: 9 наурызда (қонақта), 11 наурызда (үйде) және 13 наурызда (қонақта).

«Барыстың» бас бапкері Юрий Михайлис команданың Құрлықтық хоккей лигасының (ҚХЛ) плей-офф кезеңіне дайындығына тоқталып өтті.

- Юрий Владимирович, команданың плей-оффқа дайындығын қорытындыласаңыз.

- Жақсы дайындық, біз қысқа үзіліспен екі жиын өткіздік. Жолдастық ойындар алдында жиын физика мен техникаға көбірек болды. Лайықты қарсыластармен ойнадық, өте мықты екі команда – мәскеулік «Динамо» және «Спартак». «Спартакпен» өткен алғашқы ойында біз шабуылда өте жақсы ойнадық, жақсы голдар соқтық, көпшілік аздап жұмыс істеді. «Динамо» тіпті жетекші ойыншыларсыз да өте күшті қорғанысқа ие, барлық дерлік көшбасшылар қатарда. Мұндай үлгі аларлық ойындар бізге өте қажет болды, оларды өткізгеніміз жақсы болды, олар бізге плей-оффта пайдалы болады.

- Үш матчтың бәрінде өзгертпеген ойыншылардың жаңа үйлесімдеріндегі ойынды қалай бағалайсыз?

- Роман Старченко бізбен бірге бармады, демалды. Сондықтан бірінші буынға Әлихан Әсетовті қойдық, ол онда осыған дейін керемет ойнаған. Ол көшбасшылардың бірі болды, оның шабуылдағы агрессивті ойыны бізге әбден жарайды. Егор Петуховқа келетін болсақ, ол өз стилінде ойнады, оның құмарлығы, көңіл-күйі мен қызбалығы үшінші буынға жылдамдық қосты.

- Бүгін Дмитрий Гурков жарақат алғандар тізіміне ауыстырылды. Азшылықта көп ойнаған және қара жұмыс атқарған орталық форвардты жоғалту командаға қаншалықты әсер ететін болады?

- Әрине, әсері елеулі. Өте өкінішті. Біздің құрамымыз онсыз да кеміген, сондықтан кез-келген ойыншыны жоғалту командаға қатты әсер етеді. Иә, әсері үлкен жоғалту.

Шабуылшы Никита Михайлис астаналық клубтың плей-оффқа дайындығы туралы айтып берді.

- Никита, плей-офф басталарға дейін екі күн қалды. Өзіңіздің дайындығыңыз туралы айтып берсеңіз

- Біз ауыр сапардан кейін біраз демалдық, бұл әрине, қажет болды. Ойынсыз бір жарым ай өтті ғой не дегенмен. Сондықтан біздің көңіл-күйіміз  жақсы, жігіттер мұзға шығып, жақсы ойын көрсеткісі келеді. Біз дайынбыз.

- Қарсылас жайлы не айта аласыз, соңғы матчтар солармен ойналды ғой.

- Бір жарым ай өтті, сондықтан біз оларды есепке алмаймыз.  Жақсы жылдам, көп гол соғатын команда. Бірақ біз оларға қарамастан, өз ойынымызды ойнайтын боламыз.

- Никита, үшінші маусым қатарынан «Металлургпен» ойнайтын боламыз, енді Қазақстан құрамасының хоккейшілері сонда ойнайтынын ескерсек, бұл текетірес ымырасыз бола ма?

- Жеке мен үшін бұл маңызды емес. Әр маусымда жаңа команда, жаңа ойыншылар. Бастысы мұз айдынға шығып, жеңу керек. Биыл біз дайынбыз, соңғы ойындарды жақсы ойнадық, менің ойымша, бізде жақсы мүмкіндік бар.

Команда капитаны Роман Старченко өзінің денсаулығы мен чемпионаттың басты кезеңіне дайындығы туралы айтып берді.

- Роман, өзіңізді қалай сезінесіз?

- Өте жақсы!

- Бүгін сіз командамен мұз үстінде жаттығудасыз. Қашаннан бері жаттығудасыз?

- Мен күн сайын мұз айдынында жаттықтым, командамен Мәскеуге бармадым, бірақ менде жарақат жоқ. Жай ғана шаршадым, жаттықтырушылар демалыс берді, содан жеке бағдарлама бойынша жаттықтым.

- Мәскеуде команда өткізген ойындар туралы пікіріңіз?

- Жалпы алғанда, шабуылда команданың ойыны ұнады, көп гол соғылды. Бірақ жолдастық матчтар плей-офф емес, тіпті тұрақты ойындар емес. Біреу жұмсақ режимде ойнаған болуы мүмкін. Тәжірибе алдық, барлығы риза болды. Бәрі дайын, бәрі тезірек ойынға шыққысы келеді.

- Қарсылас туралы не айтасыз?

- Жақсы команда,бірінші орын алды, Шығыс конференциясының, бүкіл чемпионаттың көшбасшылары. Жылдам, шайбаны жақсы ұстайды. Біз олардың матчтарын талдаудамыз, дайындалудамыз, алғашқы матчтар кімнің жақсырақ дайындалғанын көрсететін болады.

Достарыңызбен бөлісіңіз