Барыс плей-оффтағы алғашқы жеңісіне қол жеткізді

Астанада жастар арасындағы Қазақстан чемпионатының ширек финалдық сериясы «Барыс» пен «Сұңқар» командалары арасында басталды.

Ағымдағы маусымдағы плей-офф кезеңінде командамыз сапындағы алғашқы шайбаның авторы Леонид Шакенов атанды. Ол қарсыластың аймағындағы сәтті ойынның нәтижесінде есеп ашты. Үшінші кезеңде Шакенов қақпа алдындағы ойынымен мергендігін тағы дәлелдеп, «Барыстың» басымдығын арттырды. Қорытынды есепті Святослав Харченко орнатты. Леонид Кравцов 24 сейв жасап, қақпасын голдан аман сақтады.

«Барыс» - «Сұңқар» 3:0 (1:0, 0:0, 2:0)

1:0 - 10:35 - Шакенов (Аманғалиев)

2:0 - 47:37 - Шакенов (Церульников)

3:0 - 54:49 - Харченко (Дронов)

Қақпашылар: Кравцов - Шарипов

Сериядағы есеп «Барыс» - «Сұңқар» 1:0.

Достарыңызбен бөлісіңіз