Аңсар Шайхмедденов: «Барыс» сапындағы алғашқы голды соғатын кез келді»

«Барыс» шабуылшысы Аңсар Шайхмедденов өткен маусымның үздік сәттерін еске алып, алдағы ойын кезеңіне дайындығы туралы айтты.

- Аңсар, өткен маусым сіз үшін өте мағыналы болды. Ең бастысы, сіз ҚХЛ-да дебют жасадыңыз, қандай сезімде болдыңыз?

- Ең жағымды сезімдер. ҚХЛ – бұл басқа деңгей, мен бұған бала кезімнен ұмтылдым. Жаттықтырушыларға сенім білдіргендері үшін, өзімді көрсетіп, Лигада «Барыс» үшін дебют жасауға мүмкіндік бергені үшін алғыс айтқым келеді.

- Деңгей айтарлықтай өзгеше ме?

- Әрине, деңгей өзгеше. Бәрі жылдамырақ, ойыншылар ауқымды және күшті, тез шешім қабылдау керек, әрқашан барлық жерде барынша күш салу керек. Мен басқа деңгей екенін жаттығу жиындарында бірден түсіндім. Мұзда басқа жылдамдықтар, бәрін тезірек жасау керек, қатты лақтыру керек.

- Қай сәт көбірек ұнады?

- Дебют, әрине, ұнады. Бұл «Салават Юлаевқа» қарсы маусымның алғашқы ойыны болды. Мен ол кезде жақсы өнер көрсеттік деп айтпас едім, бірақ арена толып, эмоциялар көп болды. Плей-офф барысында ең жағымды сәт орын алды. Мен мұзға шықтым, жалпы зал толық болды, шайба менде болғанда немесе қарсы аймаққа кірген кезде көрермендердің қолдауы күшті сезілді. Ойын болып жатқанына қарамастан, тұла бойым түршігіп, ерекше әсер қалдырды.

- Жастар арасындағы әлем чемпионаты. Біздің құрама бұдан да жақсы өнер көрсете алар ма еді?

- Жастар арасындағы әлем чемпионатында біз қалағанымызды көрсете алмадық, болмай қалды. Бұл үшін жауапкершілік толығымен бізге жүктеледі. Мен команда капитаны және ең үлкендерінің бірі болдым, команданы алға сүйреуім керек еді. Мен келесі жолы әлемдік деңгейдегі турнирлерде мұндай болмас үшін қателіктермен жұмыс жасадым. Менің ойымша, жас жігіттер қалай өнер көрсету керек екенін түсінді және биыл олар әлдеқайда жақсы ойнайтынына және элиталық дивизионға түседі деп үміттенемін. Мен біздің құрама физикалық немесе техникалық жоспарда басқа командаларға қарағанда әлсіз деп айтпас едім, біздің көп проблема басымызда. Олар бірден дайын болып шығады, ал біз алдымен ойынға кіріп, сезінуіміз керек, содан кейін ғана өз хоккейімізді ойнай бастаймыз. Алдымен біз командалардан не күту керек екенін білмейміз, ондағы хоккейшілер әртүрлі елдерде ойнайды, оларда халықаралық жарыстардан үлкен тәжірибе бар, ал бізде бұл жеткіліксіз.

- Жазды қалай өткіздіңіз?

- Жазды керемет өткіздім, достарыммен демалуға бардым, оқумен айналыстым, барлық қарыздарымды жаптым. Үйде болдым, ата-анама көмектестім, барлық туыстарыммен көрістім. Жалпы, уақытты мүмкіндігінше пайдалы өткіздім.

- Сіз жастар лагері аясында түрлі сынамаларда жақсы нәтижелер көрсеттіңіз. Бұған қалай жеттіңіз?

- Жинынға бір ай қалғанда маусымға дайындала бастадым. Біздің БЖСМ дене шынықтыру даярлығы бойынша жаттықтырушы Андрей Викторович Кисель осымен үшінші немесе төртінші жыл маған көмектесіп келеді, мен үшін бағдарлама жасайды. Осының арқасында барлық сынақ кезінде мен өзімді жақсы сезінемін, тіпті ештеңені өзгерткім келмейді, тек мұз қосамын, болды. Биыл Никита Михайлис, Валера Орехов және Кирилл Савицкиймен бірге мұзда жаттығуға бардым. Сондықтан жиындарға, негізінен, жақсы формада келдім.

- Бип-сынаққа жеке тоқталайық. Сіз клубта екінші нәтиже көрсеттіңіз. Оған бөлек дайындалдыңыз ба, әлде жай ғана жүгіруді ұнатасыз ба?

- Бип-сынақ – бұл жалпы төзімділік. Мен аптасына екі-үш рет кросс жүгіремін. Одан бөлек менің екінші жыл қатарынан Алматыда таулы жерде болғаным көмектесті деп ойлаймын. Менде Бип-сынақ әрқашан осындай деңгейде болды, тоқтатқанша соңына дейін жүгіре беремін.

- Команда жаңартылған жаттықтырушылар штабына үйреніп үлгерді ме?

- Команда үйреніп кетті деп ойлаймын. Жаттықтырушылар штабы бірден өз талаптарын белгіледі. Барлығы осы талаптарды орындауға тырысады және олар бізге үнемі айтып отырады.

- Андрей Владимирович қазақстандық жас ойыншыларды мүмкіндігінше бірінші командаға дұрыс жеткізу міндетін айтып отырады. Сіздерде арнайы талаптар бар ма?

- Иә, бізден, бәлкім, сәл көбірек талап ететіні: тез ойлау, тыңдау. Мұнда жаттықтырушының көзқарасын дұрыс түсіну және зейін қою маңызды, менің ойымша, олар бұған назар аударады.

- Жиындар – ауыр жүктеме кезеңі. Сіз оларды қалай өткізесіз?

- Биылғы жиындар ауыр, жалпы жиындарда әрдайым ауыр жүктеме болады. Мұнда ең бастысы – өз қалпына келу, дұрыс режимді, дұрыс тамақтануды ұстанса, бәрі жақсы болады.

- Алда Нұр-Сұлтан мен Челябіде екі турнир өтеді. Қарсыластарда өте мықты командалар болады. Мұндай жекпе-жектер маусымға толық дайындалуға мүмкіндік береді деп ойлайсыз ба?

- Әрине, турнирлер өте жақсы, қарсыластар лайықты. Біз нені қосу керектігін және не нәрсеге жол беретінімізді көреміз. Маусымға барынша жақсы келу, дайындалу үшін жұмыс істейтін боламыз. Бұл турнирлер жеткілікті болады деп ойлаймын.

- «Металлургте» Павел Аккользин, Алексей Маклюков, қазір Валера Орехов ойнайтыны ойынға қосымша қызығушылық тудыра ма?

- Паша мен Алексейді жеке танымаймын, бірақ біз Валерамен байланыстамыз. Егер мұзда Валера болып, мен ойнайтын болсам, әрине, қызығушылық тудырады.  Сол ойында гол соғып немесе оған бір кездерде кедергі келтіруге болады, бәлкім, ойыннан кейін оны бірге талқылармыз. Бірақ, ең алдымен, бізге жеңіске жету маңызды.

- ҚХЛ маусымына арналған күнтізбені зерттеуге уақыт болды ма? Бізді матчтардың рекордтық саны күтіп тұр.

- Иә, мен биылғы жылы матчтар көп болатынын көрдім. Хабаровск пен Владивостокта біз бес күнде төрт ойын ойнаймыз. Біз қазір осындай матчтарға дайын болу үшін, жүктемелерді көтеру үшін жаттығу жиындарында жұмыс істеп жатырмыз. Сол кезде маусымға кім қалай дайындалғанын көруге болады. Жалпы, мен сияқты жас ойыншы үшін тәжірибе неғұрлым көп болса, соғұрлым жақсы болады. Бұл прогресс үшін пайдалы.

- Жаңа маусымда алдыңызға қандай міндеттер қойып отырсыз?

- Міндет – бірінші командада берік орнығу, шектеуші ретінде ғана емес, негізгі ойыншы ретінде құрамда өз орнымды алу. Сондай-ақ, мұзда көбірек уақыт өткізгім, ойнағым және командаға барынша пайда әкелгім келеді. ҚХЛ-дағы «Барыс» үшін алғашқы голды соғып, ұпай жинап, маусым соңында ұлттық құрамаға кіру уақыты келді.

«Барыс» ХК бас серіктесі - «Самұрық-Қазына» ҰӘҚ» АҚ

«Барыс» ХК серіктесі - «Туризм және спорт индустриясын қолдау қоры» КҚ

Достарыңызбен бөлісіңіз