Номад - Ақтөбе матчы алдында

Астаналық команда үшінші ойын айын ақтөбелік командаға қарсы үйдегі матчтарымен бастайды.

«Ақтөбе» Атырауда өткен кездесулерден кейін сырт алаң сериясын жалғастыруда, онда командалар жеңістерді бөлісті. Бірінші кездесуде «Бейбарыс» минималды есеппен 1:0 жеңіске жетті, Виталий Казарин ойыншылары қақпаны аша алмады. Алайда екінші ойында қонақтар сенімді ойнап, қарсыласты 5:1 есебімен жеңді. Нәтижелi шайбаларды қонақтар командасынан Владислав Зизевских, Владислав Плотников, Михаил Калиниченко, Глеб Астраханцев және Даниил Надейкин соқты.

Астаналықтармен кездескен сәтте «Ақтөбе» турнирлік кестеде 20 ойында 9 ұпаймен 9-шы орында тұр.

«Номад» сырт алаң сериясын Оңтүстік астанадағы матчтармен аяқтап, 4 ұпай жинады. Бірінші ойында 5:4 есебімен жеңіске жеткен командадан нәтижелі шабуыл жасаған ойыншылар – Тимур Миндубаев, Бейбарыс Оразов, Абай Мангисбаев және Диас Гусейнов. Жас ойыншы Тимур Миндубаев дубль жасады. Екінші ойында Кирилл Ляпунов, Саян Данияр және Тимур Миндубаев өз командаларын жеңіске жеткізді.

Қазіргі таңда «Номад» турнирлік кестеде 22 ойында 38 ұпаймен көш бастап тұр.

Кездесу Астана уақыты бойынша сағат 17:00-де басталады.

Тікелей трансляция InHockey платформасында қолжетімді болады.

Достарыңызбен бөлісіңіз