Нефтехимик – Барыс матчы алдында

«Барыс» кезекті сырт алаңдағы ойындар сериясын Нижнекамск қаласында аяқтады.

Астаналықтармен кезекті қарсыласуға «Нефтехимик» қатарынан алты жеңіспен келді. Өткен турда Игорь Гришиннің ойыншылары өз алаңында буллиттер сериясында мәскеулік «Динамоны» 2:1 есебімен жеңді. Негізгі уақытта Матвей Заседа мергендік танытса, жеңіс әкелген шешуші соққыны Татарстан командасының ең нәтижелі ойыншысы Андрей Белозёров (23+17) орындады. Ярослав Озолин қақпаға бағытталған 30 соққыны қайтарды. Нижнекамск командасының бас бапкері соғылған шайбалар саны аз болғанына қарамастан, матчтың тартысты әрі көрерменге қызықты өткенін атап өтті.

49 матчта «Нефтехимик» 55 ұпай жинады. «Динамоны» жеңгеннен кейін клуб басшылығы Дамир Жафяровпен келісімшартты ұзартты. Бұрын «Барыс» сапында ойнаған шабуылшы келесі маусымның соңына дейінгі келісімге қол қойды.

«Барыс» бейсенбі күні Мәскеуде ЦСКА-ға 0:1 есебімен есе жіберіп, гол соқпаған матчтар сериясын жалғастырды. Адам Шил қақпаға бағытталған 22 соққыны қайтарып, финалдық сиренаға бір жарым минут қалғанда ғана жалғыз шайбаны өткізіп алды. Михаил Кравецтің айтуынша, ойынның өрбуіне қарай оның командасы кем дегенде тең нәтижеге үміт арта алатын еді. Қазақстандық ұжым 50 матчтан кейін 39 ұпаймен плей-оффқа шығу үшін күресін жалғастыруда.

«Нефтехимик» – «Барыс» матчы Астана уақытымен 19:00-де басталады.

Кездесудің тікелей трансляциясы Qazsport телеарнасында көрсетіледі.

«Барыс» ХК бас серіктесі – «Самұрық-Қазына «ҰӘҚ» АҚ

«Барыс» ХК серіктесі – «Туризм және спорт индустриясын қолдау қоры» КҚ

Достарыңызбен бөлісіңіз