Номад Бейбарысқа қарсы жігерлі жеңісін алды

Бүгін «Номадпен» атыраулық «Бейбарыс» арасындағы екінші кездесу өтті. Бұл жолы алаң иелері ретінде «Бейбарыс» өнер көрсетті. Константин Пушкарёвтың ойыншыларына жеңіске жету үшін қосымша уақыт қажет болды.

Есепті бірінші кезеңнің аяқталуына екі минут қалғанда астаналықтардың капитаны Вячеслав Колесников ашты. Алайда көп ұзамай «Бейбарыс» шабуылшысы Степан Ананичев таразы басын теңестірді. Үшінші кезеңде қос команда да нәтижелі соққымен көзге түсе алмай, матч овертаймға ұласты.

Қосымша уақыттың 2-минут 52-секундында Олег Бойко қарсыластың қақпасына шайба соғып, «Номадқа» жеңіс сыйлады.

«Бейбарыс» - «Номад» 1:2 ОТ (0:1, 1:0, 0:0, 0:1)

0:1 - 18:02 Колесников (Диханбек, Оразов) АГ

1:1 - 31:13 Ананичев Ар. (Шишов, Асуханов)

1:2 - 62:52 Бойко (Гатиятов, Оразов)

Қақпашылар: Осипов - Дубинскас

Достарыңызбен бөлісіңіз